هۆشداری له‌ باران بارینی به‌خوڕ له‌ ژاپۆن ده‌درێت

دوای هۆشداریدان له‌ باران بارینی به‌خوڕ نزیكه‌ی 330 هه‌زار كه‌س له‌ پارێزگاكانی باشووری رۆژئاوای ژاپۆن گوازرانه‌وه ناوچه‌ی ئارام.

ئاژانسی كه‌شناسیی ژاپۆن JMA‌، هۆشداری دا له‌ باران بارینی به‌خوڕ، روودانی لافاو و رۆچوونی زه‌وی له‌و پارێزگایانەی ده‌كه‌ونه‌ كه‌ناری ده‌ریای ژاپۆن له‌ رۆژئاوای ئه‌و وڵاته‌.

هۆشداری درا له‌ رۆچوونی زه‌وی له‌ هێرۆشیما، ئۆكایاما، هایۆگۆ، شیمانه‌ و تۆتتۆری و به‌رده‌وامبوونی باران بارینی به‌خوڕ تا به‌یانیی رۆژی هه‌ینی.

دوای هۆشدارییه‌كه‌، 310 هه‌زار كه‌س له‌ شیمانه‌ و 19 هه‌زار كه‌سیش له‌ تۆتتۆری گوازرانه‌وه‌ ناوچه‌ی ئارام.

رووباری لو له‌ ناوچه‌ی ماتسوه‌ له‌ شیمانه‌ زۆری نه‌ماوه‌ سه‌رڕێژ بێت، دوای بارانبارینی به‌خوڕ له‌ ناوچه‌ی ئیزومۆ، رۆچوونی زه‌وی رووی دا و زیانی لێ كه‌وته‌وه‌.

دوای ئه‌و بارانه‌ به‌ خوڕه‌ی کە سێی ته‌مووز پارێزگای شیزوۆكای گرته‌وه‌، حه‌وت كه‌س گیانیان له‌ده‌ست دا و هه‌وڵه‌كانیش به‌رده‌وامن بۆ دۆزینه‌وه‌ و رزگاركردنی 27 كه‌سی بێسه‌روشوێن.