مقه‌ده‌می مافپه‌روه‌ر عه‌لی جه‌مال قدووری به‌رێوه‌به‌ری راگه‌یاندنی پۆلیسی گه‌رمیان بڵاوی كرده‌وه: بەرەبەیانی ئەمڕۆ پێنج شەمە 1- 7 - 2021 ، تەرمی پێشمەرگەیەکی لیوا (3) بەناوی (عه‌باس عه‌بدوڵڵا حه‌سیب ) لەدایکبووی 1980 هێنرایە بەشی فریاکەوتنی شەهید هەژار لەکەلار کە بەهۆی بەرکەوتنی فیشەکەوە گیانی لەدەستدابوو .
مقده‌می مافپه‌روه‌ر عه‌لی جه‌مال قدوری راشیده‌گه‌ێنێت: بەوتەی هاوڕێکانی ناوبراو دانیشتووی شاری خانەقینەو لەکاتی ئەرکدا لەنزیک خانەقین فیشەکی بەخۆیەوە ناوەو گیانی لەدەستداوە.
ئاماژه بۆ ئه‌وه‌ش ده‌كات: لەئێستادا لەپزیشکی دادوەری قەزای کەلار توێکاری بۆ تەرمەکەی دەکرێت و تەرمەکەی ڕادەستی کەسوکاری دەکرێتەوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.