حکۆمەتا هەرێما بوو روب روبوونا زیانێن هشکەسالیێ دێ بودجەیەکێ تایبەت بۆ بەردەوامیا دابینکرنا ئاڤا مالان و چەند پێدڤیاتێن دی تەرخانکەت

ئەڤرۆ رۆژا دووشەمبی رێکەفتی 28-6-2021 ل هۆلا کومبونێن پارێزگەهێ ب سەرپەرشتیا  " ماجد سەید سالح" جێگرێ پارێزگارێ دهۆکێ بو کارۆبارێن تەکنیکی ب وەکالەت و ب ئامادەبۆنا بەرێزان دەڤەردارێن قەزایێن دهۆك،شێخان،ئاکرێ،سێمێل،ئامێدیێ، و رێڤەبەرێن ئاڤا دهۆك و دەوروبەران کومبونەك هاتە ئەنجامدان لدور بابەتێ هشکە سالیێ و خو ئامادەکرنێ بو روب روبونا زیانێن وێ ب تایبەت د بوارێ ئاڤا مالاندا
د کۆمبونێدا جێگرێ پارێزگارێ دهوکێ دا راگەهاند:-
ب خوشحالیڤە حکومەتا هەرێما کوردستانێ هەموو ئامادەکاری یێن کرین بۆ رو ب روبونا زیانێن هشکە سالیێ و دێ بودجەیەکێ تایبەت تەرخانکەت بو سەرانسەری هەرێما کوردستانێ ژبو دابینکرنا بەردەوام یا ئاڤا مالان و ئاڤێن هەمو جهێن پێدڤی
پاش گوتوبێژ هاتنەکرن لدۆر چاوانیا سەرەدەریکرنێ لگەل کێمبونا ئاڤێ ب تایبەت د ڤی وەرزێ سالێدا و چەند ئامادەرکاریێن ب لەز وەکو:-
،نویژەنککرنا بیرێن کێم ئاڤ بو زێدەبونا ئاڤێ 
دابینکرنا کەلوپەلان بو کۆلانا بیرێن ئاڤێ ب شێوەیێن باش و چاوانیا دابینکرنا ئاڤێ بو کەرتێن گشتۆکالی و هەموو کەرتێن پێدڤی،دوڤچۆن و نەهێلانا زێدەگاڤیان، هوشیاریا وەلاتیان لدور زێدەهیا مەزاختنا ئاڤێ.