قوباد تاڵەبانی جێگری سەرۆکی حکومەتی هه‌رێم و سه‌رۆكی شاندی باڵای هه‌رێم بۆ به‌غدا، ئێواره‌ی ئەمڕۆ له‌گه‌ڵ مسته‌فا كازمی سەرۆک وەزیرانی عێراق كۆبووه‌وه.
قوباد تاڵەبانی، لەپەیجی فەرمی خۆی لەفەیسبوک نووسیوویه‌تی: ئێوارەی ئەمڕۆ لەبەغدا لەگەڵ مستەفا کازمی سەرۆک وەزیرانی عێراق، لەبارەی دوا پێشهاتی پەیوەندییەکانی ھە‌ردوو حکومەتی هەرێم و فیدراڵ گفتوگۆیان کرد، بەتایبەت میکانیزمی جێبەجێکردنی یاسای بودجەی 2021 ی عێراق و دەستەبەرکردنی شایستە داراییەکانی هەرێم.
ئاماژەی بەوەشکردوە، جارێکیتر ھە‌ردوولامان پابەندیمان بە یاسای بودجە دووپاتکردەوە لە پێناو چارەسەرکردنی کێشە کەڵەکە بووەکان لەسەر بنەمای یاساو دەستوور و بۆ دروستکردنی لێکگەیشتنی درێژخایەن و بەردەوام.
کۆمێنت (0)
تا ئێستا هیچ کۆمێنتێک نەکراوە.