وڵاتی ژاپۆن مانۆرێكی هاوبه‌شی سه‌ربازی له‌گه‌ڵ ئه‌مه‌ریكا و فه‌ره‌نسا له ده‌ریای چینی رۆژهه‌ڵات ده‌ستپێكرد.
وه‌ك ئاژانسی هه‌واڵی فرانس پرێس رایگه‌یاندووه مانۆڕه‌كه له رۆژی سێشه‌مه یازده‌ی ئایار ده‌ستی پێكردووه و تاكۆتایی ئه‌م هه‌فته‌یه واتا چوارده‌ی ئایار به‌رده‌وام ده‌بێت .
وڵاتی فه‌ره‌نسا یه‌كه‌مین جاره به هێزی ده‌ریایی و ژماره‌یه‌ك سه‌ربازی هێزی وشكانی له‌گه‌ڵ وڵاتی ژاپۆن و له مانۆرێكی له‌م شێوه‌یه به‌شدار ده‌بێـت.
فرانس پرێس له‌سه‌ر زاری فه‌رمانده‌یه‌كی باڵای سه‌ربازی فه‌ره‌نسی رایگه‌یاندوه، له مانۆره‌كه‌دا به گشتیی هه‌ر سێ وڵاتی فه‌ره‌نسا و ئه‌مه‌ریكا و ژاپۆن به كۆمه‌ڵێك كه‌شتی جه‌نگی و كه‌شتیی فرۆكه هه‌ڵگر و ژێر دره‌یایی به‌شداری مانۆڕه‌كه‌ن، هه‌روه‌ها ئۆسترالیاش له مانۆره‌كه‌دا به كه‌شتیه‌كی جه‌نگی به ناوی ئه‌ی ئار سی بیست و یه‌ك به‌شداره.
ئه‌و جگه له‌وه‌ی ژاپۆن به فرۆكه‌ی جه‌نگیی ئیف دووی ژاپۆنی و ئه‌مه‌ریكاش به فرۆكه ئێف شازده‌ی هێزی ئاسمانی وڵاته‌كه‌یان به‌شداری مانۆره‌كه‌ن. ئه‌م مانۆڕه سه‌ربازییه‌ی ژاپۆن له‌گه‌ڵ وڵاتانی رۆژ ئاوا به تایبه‌ت ئه‌مه‌ریكا ،وه‌ك وڵامێكی تووند له دژی هه‌ژمون و پاوانخوازییه‌كانی چین له ناوچه‌كه به تایبه‌ت كۆمه‌ڵه دوڕگه‌ی ستراتیژیی سه‌نكاكۆ دێت كه له ژێر ده‌سه‌ڵاتی ژاپۆن دایه به‌ڵام چین بانگه‌شه‌ی خاوه‌ندارێیتان ده‌كات.
کۆمێنت (0)
تا ئێستا هیچ کۆمێنتێک نەکراوە.