له ده‌ست پێكی گه‌ری سی وپێنجه‌مینی خولی یانه‌كانی ئینگلته‌را یانه‌ی نیوكاسل یونایتد له ده‌ره‌وه‌ی یاریگای خۆی و به‌ئه‌نجامی چوار گۆل به‌رامبه‌ر به دوو گۆل له یانه‌ی لیسته‌ر ستی میوانداری برده‌وه .
یارییه‌كه له‌سه‌ر یاریگای وۆكه‌رز به‌رێوه چوو . له‌ته‌واوی ماوه‌ی یاری ئاستی یاریزانانی تیپی میوان باشتر بوو ، له خوله‌كی بیست و دوو جۆزیف ویلۆكی ئینگلیزی به تۆمار كردنی گۆلێك نیوكاسلی له‌یاریه‌كه‌دا پێشخست ، ده خوله‌ك دواتر یاریزانی وێلزی باوڵدۆمێت ئه‌نجامه‌كه‌ی كرده دوو ئه‌وه‌نده‌و گێمی یه‌كه‌م به‌م دوو گۆله له سوودی میوانه‌كان كۆتایی هات .
له گێمی دووه‌م و له خوله‌كی شه‌ست و چوارو حه‌فتاو چوار كاڵیۆم وێلسۆنی ئینگلیزی دوو گۆلی تری تۆمار كردو ئه‌نجامه‌كه بووه چوار گۆلی بێ وه‌لام ، له خوله‌كی هه‌شتا مارك برایتۆن به لێدانێكی به‌هێز گۆلی یه‌كه‌می بۆ خاوه‌ن یاریگا تۆمار كرد ، له خوله‌كی هه‌شتاو حه‌وتیش كیلیتشی ئیهیاناتشۆ گۆلی دووه‌می میوانداره‌كانی تۆمار كردو جیاوازیه‌كه‌ی بۆ دوو گۆل كه‌م كرده‌وه .
یاریش به چوار گۆل به‌رامبه‌ر به دوو گۆل له سوودی نیوكاسل یونایتد كۆتایی پێ هات و یانه‌كه‌ش ده‌یه‌م بردنه‌وه‌ی له‌م وه‌رزه‌ی به‌ده‌ست هێناو كۆی خاله‌كانیشی له پله‌ی سێزده‌هه‌مینی ریزبه‌ندی بۆ سی و نۆ خال به‌رزبۆوه‌و یانه‌ی لیسته‌ریش تووشی ده‌یه‌م دۆراندن هات و خاوه‌نی شه‌ستو سێ خاله‌و به‌شێوه‌یه‌كی كاتی له پله‌ی سێیه‌می ریزبه‌ندی یانه‌كان مایه‌وه .
له‌پریمه‌رلیگدا نیوکاسڵ سه‌رکه‌وتنی به‌سه‌ر لیسته‌ر سیتی تۆمارکرد
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.