وه‌زیری ده‌ره‌وه‌ی عێراق به‌سه‌ردانێكك فه‌رمی به‌ره‌و ڤاتیكان به‌رێكه‌وت و بریاره له‌گه‌ڵ پاپای ڤاتیكان دیدار و گفتوگۆ ئه‌نجام بدات.
ئه‌حمه‌د سه‌حاف گوته‌بێژی وه‌زاره‌تی ده‌ره‌وه‌ی عێراق رایگه‌یاند: سه‌ر له به‌یانی ئه‌مڕۆ شه‌مه و به سه‌رۆكایه‌تی شاندێكی باڵای دیپلۆماسی، فواد حوسێن وه‌زیری ده‌ره‌وه‌ی عێراق له فرۆكه‌خانه‌ی نێوده‌وڵه‌تی به‌غداوه به‌ره‌و وڵاتی ئیتاڵیا به‌رێكه‌وت.
ئه‌حمه‌د سه‌حاف گوتی، وه‌زیری ده‌ره‌وه‌ی عێراق له‌و سه‌دانه‌یدا بۆ ئیتالیا، رۆژی دووشه‌ممه له‌گه‌ڵ به‌پرسانی ئیتالیا و پاپ فرانسیس پاپای ڤاتیكان كۆ ده‌بێته‌وه و له‌باره‌ی سه‌ردانه ئه‌رێنییه‌كه‌ی ئه‌مدواییه‌یانه‌ی پاپا فرانسیس بۆ عێراق گفتوگۆ ده‌كه‌ن.
له كۆتاییدا ئه‌حمه‌د سه‌حاف گوته‌بێژی وه‌زاره‌تی ده‌ره‌وه‌ی عێراق جه‌ختی كرده‌وه كه له رووی دیپلۆماسیه‌وه ئه‌م سه‌دانه‌ی وه‌زیری ده‌روه‌ی عێراق بۆ ڤاتیكان گرنگی خۆی هه‌یه.
کۆمێنت (0)
تا ئێستا هیچ کۆمێنتێک نەکراوە.