ئەمڕۆ چوارشەممە 2021/4/28 مەسرور بارزانی سەرۆکی حکومەتی هەرێمی کوردستان ، پێشوازی لە میتیا لێسکۆڤار باڵیۆزی ڤاتیکان لە عێراق کرد.
باڵیۆزی ڤاتیکان سوپاس و پێزانینی پاپای ڤاتیکانی بە سەرۆکی حکومەتی هەرێمی کوردستان گەیاند بۆ سەرخستنی سەردانەکەی بۆ هەرێمی کوردستان و پاراستن و میوانداریکردنی کریستیانەکان و یٔاوارە و پەنابەران و هەموو یٔەوانەی لە ترسی ستەم و چەوساندنەوە، ڕوو لە هەرێمی کوردستان دەکەن.
سەرۆکی حکومەت، پابەندبوونی حکومەتی هەرێمی کوردستانی بە پەرەپێدان و بەهێزکردنی کولتووری بەیەکەوەژیانی ئاشتییانەی ئایینی و نەتەوەیی لە هەرێمی کوردستان دووپات کردەوە و سەردانی قەداسەتی پاپای بۆ عێراق و هەرێمی کوردستان، بە مێژوویی ناوبرد و خوازیاربوو ، کە ببێتە هۆی برەودانی زیاتر بە کولتووری لێبوردەیی و بەیەکەوەژیانی یٔاشتییانە لە نێوان پێکهاتە جیاوازەکانی عێراقدا.
لە تەوەرێکی دیکەی کۆبوونەوەکەدا، گفتوگۆ دەربارەی پەیوەندیی نێوان هەرێمی کوردستان و حکومەتی فیدراڵی و گرنگیی جێبەجێکردنی یاسای بودجە و ناردنی شایستە داراییەکانی هەرێمی کوردستان لە نزیکترین کاتدا کرا .
هەروەها باردودۆخی دەشتی نەینەوا و ناوچە کوردستانییەکانی دەرەوەی یٔیدارەی هەرێم، تاووتوێ کرا و جەخت لە ئاساییکردنەوەی دۆخی ئەو ناوچانە و جێبەجێکردنی ماددەی 140 ی دەستوور کرایەوە.
کۆمێنت (0)
تا ئێستا هیچ کۆمێنتێک نەکراوە.