بریكاری وه‌زاره‌تی ئاوه‌دانكردنه‌وه رایگه‌یاند: حكوومه‌تی هه‌رێمی كوردستان كار بۆ ئه‌وه ده‌كات تۆڕی رێگاوبانی هه‌رێمی كوردستان بپارێزێت.
ئاگرین عه‌بدوڵڵا بریكاری وه‌زاره‌تی ئاوه‌دانكردنه‌وه و نیشته‌جێكردنی هه‌رێمی كوردستان له كاتی به‌شداریكردنی له به‌رنامه‌ی كاتژمێر بیستی كوردستان تی ڤی كه هه‌ڤاڵ نه‌ورۆز به‌رنامه‌كه پێشكه‌ش ده‌كات رایگه‌یاند: وه‌زاره‌تی ئاوه‌دانكردنه‌وه‌ی حكوومه‌تی هه‌رێمی كوردستان كار بۆ ئه‌وه ده‌كات تۆڕی رێگاوبانی هه‌رێمی كوردستان بپارێزێت و چاكیبكاته‌وه و به‌ره‌وپێشه‌وه‌ی ببات.
ئاگرین عه‌بدوڵڵا ئاگرین گوتیشی ئێستا به‌بڕی دوو تریلیۆن و نۆسه‌د و چل و چوار ملیار دینار كاركردن له سه‌د و بیست و نۆ پڕۆژه‌ی رێگاوبان به‌رده‌وامه و له حه‌وت ساڵی رابردوودا به‌هۆی قه‌یرانی داراییه‌وه نه‌توانراوه پڕۆژه‌كان له‌كاتی خۆیاندا جێبه‌جێبكرێن به‌ڵام دوو ساڵه پاره بۆ پڕۆژه‌كان ته‌رخان ده‌كرێت و كاریان تێداده‌كرێت.
کۆمێنت (0)
تا ئێستا هیچ کۆمێنتێک نەکراوە.