بەڕێوەبەرایەتى گشتى تەندروستى هەولێر له ڕاگه‌ێندراوێكدا ڕایگه‌یاند: سەبارەت به وەرگرتنى ڤاكسینی دژی كۆڕۆنا، هاووڵاتییان ئاگادار دەکەینەوە کە لە شاری هەولێر چەند سەنتەرێكى دیاریكراو هەن بۆ لێدانی ڤاكسینەکە. . لە سەر ڕاسپاردەی جەنابی سەرۆکی حکومەتی هەرێمی کوردستانیش پڕۆسەکە بەردەوام دەبێت بۆ ئەوەی بە یەکسانی بە هەموو هاووڵاتییان بدرێت.
ڕاشیگه‌یاند: داواكارین هاووڵاتیان ناوی خۆیان تۆمار بکەن . تکایە بە بێ خۆتۆماركردن ( موعد)، كەس سەردانى سەنتەرەكان نەكات، بەڵكو پێویستە له ڕێگەى ئۆنڵاینەوە ناوی خۆیان تۆمار بكەن بۆ ئەوەی کاتی وەرگرتنى ڤاكسینیان بۆ دەستنیشان بكرێت، هیج كەس و لایەنێكیش بۆی نیه بەدەر له نۆرەگرتن و سیستەمی ناو تۆمارکردن ، سەردانی سەنتەرەکان بکات و قەرەباڵغی دروست بكات.
هه‌روه‌ها ڕایگه‌یاندووه: لەهەمانکاتدا هاووڵاتییان دڵنیا دەکەینەوە کە هەموو جۆرەکانی ڤاکسینی بڕیارلێدراو و بەردەست، سەلامەتن و باشن بۆ بەکارهێنان.
بەڕێوەبەرایەتی گشتى تەندروستى هەولێر
٢٠٢١/٤/١٥
کۆمێنت (0)
تا ئێستا هیچ کۆمێنتێک نەکراوە.