ئه‌ڤرو سپێدێ 15-4-2021 ل نه‌خوشخانا لالاڤ یا كورونایێ ل ناوچه‌داریا فه‌یدیێ به‌رێز د.على ته‌ته‌ر پارێزگارێ دهۆكێ ب ئاماده‌بونا رێڤه‌به‌رێ گشتى یێ ساخله‌میێ وبه‌رپرسێ رێكخراوا UNHCR پرۆژێ دابینكرنا چار ته‌خت وئامیره‌تێن چاڤدێریا چر بو نه‌خوشخانا لالاڤ یا كورونایێ ڤه‌كر.
پارێزگارێ دهۆكێ گه‌ریانه‌ك ل ناڤ نه‌خوشخانێ كر وژنێزیك سه‌حكره ره‌وشا نه‌خوشخانێ .
دكونگره‌كێ رۆژنامه‌ڤانیدا پارێزگارێ دهۆكێ سوپاسیا رێكخراوا UNHCR كر كو ئه‌ڤ جوره هاریكاریه بو نه‌خوشخانا لالاڤ دابینكرین وپه‌سنا رولێ UNHCRكر كو ل هه‌موو ته‌نگاڤیا هاریكاربویه دگه ل كارگێریا پارێزگه‌هێ وخواست كو ئه‌ڤ جوره هاریكاریه دبه‌رده‌وامبن.
هه‌روه‌سا ته‌كه‌زكر كو هه‌موو لیژنه یێن به‌رهنگاربونا كورونایێ هاتینه راسپاردن كو به‌رده‌وام دوویڤ چونا رێنمایێن خو پارێزیێ بكه‌ن چونكو مه‌ترسیا كورونایێ به‌رده‌وامه وب دوماهى نه‌هاتیه وداخاز ژهاولاتیان ژى كر وه‌كو به‌رى نوكه به‌رده‌وامیێ ب ده‌نه پێگریكرنێ ب رێنمایێن خو پارێزیێ وژیانا خو وخێزانێن خو ب پارێزێن .
پارێزگارێ دهۆكێ داخاز ژخه‌لكێ پارێزگه‌هێ كر كو ب رێكا ئه‌لكترونى ناڤێن خو ته‌ماركه‌ن وڤاكسینا دانن دا ژنه‌خوشیا كورونایێ بهێنه پاراستن وداخازا سلامه‌تیێ بو هه‌موو نه‌خوشان كر.
هه‌ربڤێ هه‌لكه‌فتێ به‌رپرسێ رێكخراوا UNHCR ورێڤه‌به‌رێ گشتى یێ ساخله‌میێ په‌یڤێن خو پێشكێشكرن وداخازكرن كو خه‌لك خو ب پارێزیت واڤكسینا دانن.
هه‌ژى گوتنێ یه رێكخراوا UNHCR ئه‌و چار ته‌خت وئامێره‌تێن چاڤدێریا چر ب كوژمێ (70,000) دولارا بو نه‌خوشخانا لالاڤ یا كورونایێ دابینكریه.
رێکخراوا UNHCR چار ته‌خت وئامیره‌تێن چاڤدێریا چڕ بۆ نه‌خۆشخانا لالاڤ یا کۆرۆنایێ دابینکرن
100%
کۆمێنت (0)
تا ئێستا هیچ کۆمێنتێک نەکراوە.