ده‌زگای لووتكه بۆ كاروباری كۆچ و په‌نابه‌ران بڵاوی كرده‌وه: بەلەمێک کە 34 کۆچبەری لەخۆگرتبوو لە نزیک سنوری وڵاتی "جیبوتی" ژێرئاوکەوت.
لووتكه رایده‌گه‌ێنێت: بەلەمەکە لە وڵاتی یەمەنەوە بەڕێکەوتووە و بەدەست کەسانی قاچاخچییەوە بووە. بەپێی پێشبینیییەکانیش 60 کۆچبەر لە نێو بەلەمەکەدا بوون.
هه‌روه‌ها ده‌زگاكه ئاماژه بۆ ئه‌وه‌ش ده‌كات: كه‌لە ئێستادا ڕێژەی ژێرئاوکەوتنی بەلەم لە نزیک وڵاتی "جیبوتی" بەرزبووەتەوە. بە تایبەتی خەڵکی وڵاتانی ئەسیوبیا و سۆماڵن کە بەهۆی جەنگەوە هەڵدێن و بە ئومێدی دۆزینەوەی کار ڕوو دەکەنە وڵاتانی سعودیە و ئیمارات.
پێشبینی دەکرێت بەهۆی ڤایرۆسی کۆرۆناوە ئەو کۆچبەرانە شکستیان هێنابێت لە گەیشتن بە سعودییە و لەسەر سنوری یەمەندا بەجێمابن. دواتر لەکاتی گەڕانەوەیان گیانیان لەدەستدابێت.
دارشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.