د. کەمال کەرکووکی سەرۆکی ئەنجومەنی سەرکردایەتیی کەرکووك -گەرمیان" به بۆنه‌ی هاتنی مانگی پیرۆزی ڕه‌مه‌زان په‌یامێكی بلاوكرده‌وه.
ده‌قی په‌یامه‌كه:
ئەم مانگە لای موسڵمانان جێگای تایبەتی خۆی ھەیە وەکو بۆنەیەکی ئایینیی پیرۆز و گرینگ، مانگی ڕەمەزان مانگی پر خێر و بەرەکەت و خواپەرستییە بەم بۆنەیەوە بەناوی ئەنجومەنی سەرکردایەتیی کەرکووك-گەرمیان و سەرجەم رێکخستنەکانی پارتیمان لە سنوری کەرکووك -گەرمیان پیرۆزبایی گەرم ئاراستەی کەسوکاری شەهیدان و شەهیدانی ئەنفالکراو و گشت موسلمانانی کوردستان و جیهان و دانیشتووانی ناوچە کوردستانییەکانی دەرەوەی ئیدارەی ھەرێمی کوردستان دەکەین و لە خوای گەورە داواکارین بەخێر و سەلامەتى دەرباز بێت و کوردستان لە نەهامەتییەکان بپارێزێت و ڕێگای راست پێشانی هەمو لایەكمان بدات و گەلەکەمانیش بە ئاواتی دێرینی خۆی شاد بێت و پێشمەرگە قارەمانەکانیشمان بارێزراو و سەرفراز و سەرکەوتوو بن.
بەرەکەتی ئەم مانگە پیرۆزە ببێتە هۆی سەرکەوتنی گەلەکەمان بەسەر ئەو کۆسپانەی کە لە پێشیدان و، لە پەتای کۆرۆناش بەسەلامەتی دەرباز بن. ھیوادارم لەم مانگە پیرۆزەدا لە کوردستاندا خۆشی و ئارامی و سەقامگیری زیاتر بچەسپێ و بەرەو ئایندەیەکی گەش ھەنگاوی باشتر بنێت. دووبارە هاتنەوەی مانگی ڕەمەزانی پڕ خێر و بەرەکەت پیرۆز بێت لە گشت موسلمانان، لە کەسوکاری شەهیدان و شەهیدانی ئەنفالکراو و، لە یەکە یەکەی پێشمەرگەکان لە هەر شوێنك هەن.
د. کەمال کەرکووکی سەرۆکی ئەنجومەنی سەرکردایەتیی کەرکووك -گەرمیان ٢٠٢١/٤/١٢
کۆمێنت (0)
تا ئێستا هیچ کۆمێنتێک نەکراوە.