ئەمڕۆ 11/4/2021 بێگەرد تاڵەبانی وەزیری کشتوکاڵ و سەرچاوەکانی ئاو بە ئامادەبوونی ستافێکی وەزارەت سەرپەرشتی کۆبونەوەیەکی گرنگی کرد لەگەڵ خاوەنی کۆمپانیاکانی ووشکردنەوەی گەنمەشامی، بۆ مەبەستی بەبازاڕکردن و ساغکردنەوەی بەرهەمی گەنمەشامی جوتیاران، دوایی گفتوگۆ و گەڵاڵەکردنی چەندین سەرنج و راسپاردە و پێشنیاری ئامادەبووان، بڕیار درا کە لە ئێستاوە ئامادەکاری بکرێت بۆ ئەنجامدانی یاداشتێکی لێک تێگەیشتن لە نێوان خاوەنی کارگەکان و وەزارەتی کشتوکاڵ و سەرچاوەکانی ئاو، تاوەکو بەرهەمی گەنمەشامی لە جوتیارانی هەرێمی کوردستان وەربگرنەوە.
بۆ ئەم مەبەستە وەزیری کشتوکاڵ و سەرچاوەکانی ئاو داوای کردووە کە ئاسنکاری بۆ جوتیاران بکرێت و ڕاستەوخۆ بەرهەمەکانیان وەربگیرێتەوە لەلایەن کارگەکانەوە.
هەروەها لەم کۆبونەوەیەدا تاوتوێی ئەوە کراوە کە باشترین جۆری بنەتۆی گەنمەشامی بگەیەندرێتە دەستی جوتیاران بۆ ئەوەی کە بەرهەمی هاوردەی گەنمەشامی بۆ بازاڕەکان و کارگەکانی خۆماڵی کەمبکرێتەوە بەئامانجی گەیشتن بە خود بژێوی لە بەرهەم هێنانی گەنمەشامیدا.
کۆمێنت (0)
تا ئێستا هیچ کۆمێنتێک نەکراوە.