ئه‌ڤرو سپێدێ 6-4-2021ل كومه‌لگه‌ها دومیز ل ناوچه‌داریا فه‌یدیێ ل ده‌ڤه‌رداریا سێمێلێ ب ئاماده‌بونا د.على ته‌ته‌ر پارێزگارێ دهۆكێ وحسام حسێن نونه‌رێ وه‌زاره‌تا كارو وكاروبارێن كومه‌لایه‌تى یا عیراقا فیدرال پرۆژێ (153) دوكانا ل كومه‌لگه‌ها دومیز بو ته‌خا كێم ده‌رامه‌تان هاته ڤه‌كرن.
پارێزگارێ دهۆكێ گه‌ریانه‌ك ل ناڤ پرۆژه‌ى كر و ژنێزیك سه‌حكره به‌رهه‌ڤیا پرۆژه‌ى بو خزمه‌تكرنا كه‌سێن كێم ده‌رامه‌ت.
بڤێ هه‌لكه‌فتێ پارێزگارێ دهۆكێ سوپاسیا وه‌زاره‌تا كاروكاروبارێن كومه‌لایه‌تى یا عیراقا فیدرال كر كو ڤان جوره پرۆژان بو ته‌خا هه‌ژار وكێم ده‌رامه‌ت ل ده‌ڤه‌رێن جودا جودا ئاڤادكه‌ن و گوت: ئه‌م وه‌كو كارگێریا پارێزگه‌هێ وب هه‌ڤكارى دگه‌ل لایه‌نێن په‌یوه‌ندیدار دێ میكانزمه‌كا باش ئاماده‌كه‌ین كو ئه‌و دوكان ب ره‌نگه‌كێ دادپه‌روه‌رانه ل سه‌ر كه‌سان كێم ده‌رامه‌ت و پێدڤى بهێنه به‌لاڤكرن بو وێ یه‌كێ ئه‌و هاولاتى بشێن ب رێكا وان دوكانا ژیانه‌كا باشتر ده‌ربازكه‌ن و به‌رهه‌ڤیا پارێزگه‌هێ دیاركر بو ده‌ست نیشانكرنا ئه‌ردێ پێدڤى بو چێكرنا ڤان جوره پرۆژێن خزمه‌تگوزارى.
پاش نونه‌رێ وه‌زاره‌تا كار وكاروبارێن كومه‌لایه‌تى دپه‌یڤه‌كێدا سوپاسیا پارێزگارێ دهۆكێ كر كو ئه‌ردێ پێدڤى ته‌رخانكریه بو ئاڤاكرنا پرۆژه‌ى و دیاركر كو وه‌زاره‌تا وان چه‌ند پرۆژێن بڤى ره‌نگى ل ده‌ڤه‌رێن دى هه‌نه بو هاریكاریكرنا ته‌خا هه‌ژار و كێم ده‌رامه‌ت.
کۆمێنت (0)
تا ئێستا هیچ کۆمێنتێک نەکراوە.