بەڕێوەبەری گشتی بازرگانی لە وەزارەتی پیشەسازی و بازرگانیی حكوومه‌تی هه‌رێمی كوردستان ڕایده‌گه‌یه‌نێت، قۆناغێکی دیكه‌ی پارەی گەنمی جووتیارانی هه‌رێمى كوردستان خه‌رج ده‌كرێت، كه بڕه‌كه‌ی شه‌ش ملیار و 500 ملیۆن دیناره.
نەوزاد شێخ کامیل، بەڕێوەبەری گشتیی بازرگانی لە وەزارەتی پیشەسازی و بازرگانی حكوومه‌تی هه‌رێمی كوردستان بە باسنیوزی ڕاگەیاندووه: حکوومەتی عێراق قۆناغێکی دیكه‌ی پارەی گەنمی جووتیاران بۆ ساڵی 2020 خەرج دەکات، کە بڕەکەی 130 ملیار دینارە، بەشی جووتیارانی هەرێمی کوردستانیش شه‌ش ملیار 500 ملیۆن دیناره.
ده‌شڵێت: دوو ملیار و 500 ملیۆن دیناری بۆ جووتیارانی سلێمانی، دوو ملیار دینار بۆ جووتیارانی هەولێر و دوو ملیار دیناریش بۆ جووتیارانی سلێمانی خەرج دەکرێت.
بەڕێوەبەری گشتیی بازرگانیی ئاماژه‌ی بۆ ئه‌وه‌ش كردووه: هەفتەی داهاتوو ڕێکارە ئیدارییەکان دەگیرێتە بەر، ئەگەر فریا بکەوین ئەو هەفتەیە دابەشی دەکەین، ئەگەر فریا نەکەوتین دەکەوێتە هەفتەی دواتر.
هه‌روه‌ها رایده‌گه‌ێنێت، دوای خه‌رجكردنی ئه‌و بڕه پاره‌یه، هیشتا نزیکی 79 ملیار و 454 ملیۆن دیناری پارەی ساڵی 2020ی گەنمی جووتیارانی هه‌رێمى کوردستان له‌لای حکوومەتی عێراق ده‌مێنێته‌وه
کۆمێنت (0)
تا ئێستا هیچ کۆمێنتێک نەکراوە.