ده‌زگای سه‌ته‌لایتی كوردستان له پرسه‌نامه‌یه‌كدا سه‌ره‌خۆشی له كارمه‌ندی ده‌زگا رێكان سه‌كران كرد بۆ كۆچی دوایی باوك و براكه‌ی كه هه‌ردووكیان به داخه‌وه به هۆی تووشبوونیان به ڤایرۆسی كۆرۆنا ئه‌مڕۆ گیانیان له‌ده‌ستدا.
له پرسه‌نامه‌كه‌ی ده‌زگای سه‌ته‌لایتی كوردستاندا هاتووه: هاوكاری به‌رێزمان رێكان سه‌كران: به داخ و په‌ژاره‌یه‌كی زۆره‌وه هه‌واڵی كۆچی دوایی سه‌كران حوسێنی باوكتان و به‌رێز كه‌نعان سه‌كرانی براتانمان پێگه‌یشت كه به‌هۆی تووشبوونی به ڤایرۆسی كۆرۆنا كۆچی دواییان كرد.
پرسه و سه‌ره‌خۆشی خۆمان ئاراسته كاك رێكان و خانه‌واده‌كه‌ی و كه‌سوكاری ده‌كه‌ین و له خوای گه‌وره داواكارین گیانی خوالێخۆشبووان به به‌هه‌شتی به‌رین شاد بكات و سه‌بر و ئارامیش به كه‌سوكاری ببه‌خشێت.
جێگه‌ی باسه رۆژی چوارشه‌ممه باوك و برای هاوكارمان رێكان سه‌كران دوای چه‌ند رۆژێك له تووشبوونیان به ڤایرۆسی كۆرۆنا كۆچی دوایی كرد. هه‌روه‌ها له ماوه‌كانی رابردووشدا دایكی هه‌ر به هۆی تووشبوونی به ڤایرۆسی كۆرۆنا گیانی سپارد .
کۆمێنت (0)
تا ئێستا هیچ کۆمێنتێک نەکراوە.