چاودێرێكی سیاسی رایگه‌یاند: رێككەوتنی نێوان كوتلەكان لە سەر بودجە زۆر گرفتی تێدایە، نەك رێككه‌وتنی نێوان هەرێم و بەغدا.
کاتۆ سەعدولڵا - چاودێری سیاسی لە میانەی بەشداریكردنی لە بەرنامەی رۆژەڤی كوردستان سەبارەت بە رێککەوتنی بەغداو هەرێم لەسەر بودجەی ساڵی 2021 رایگەیاند: كێشەی نێوان شیعەكان وای كردووە گرفت بۆ تەواوی گەلانی عێراق دروست بكەن.
گوتشی: بابەتی بودجە، ئەگەر دەنگیشی له‌سه‌ر بدرێت، هیچ ئاكامێكی نابێت، چونكە دۆخی عێراق زۆر ئاڵۆزو ناسەقامگیرە بەتایبەتی كێشەی نێوان لایەنە شیعەكان .
كاتۆ گوتیشی: رێككەوتنی نێوان كوتلەكان لە سەر بودجە زۆر گرفتی تێدایە، نەك نێوان هەرێم و بەغدا بەڵكو نێوان هەموو لایەنەكان .
ئاماژه‌ی به‌وه‌شكرد كێشەی نێوان شیعەكان زۆرن بەتایبەتی نێوان بڕوا و متمانەیان بە مەرجەعاكانیان، ئەوەش وای كردووە گرفت بۆ تەواوی گەلانی عێراق دروست بكەن .
كێشەی هەرێم و بەغداش بریتییە لەوەی كە كەس بۆی نییە باس لە كەموكوڕییەكانی ئەوان بكات، یەكێك نەبووە نوێنەرایەتی كورد بكات لە بەغدا، بۆ ئەوەی پرس لەوان بكات یان وەڵامی ئەوان بداتەوە .
رایگه‌یاند: كورد لە هەرێمی كوردستان ئەوانیان فێری ئیدارە كرد، ئێمە كە كورد بوارمان بەوان دا كە بێنە ناو گۆرەپانی سیاسی و لە سەر پێ بووەستن .
ئەو رێككەوتنە كارێكی باش نییە بەڵكو سزایەكە دژ بە هەرێم ، چونكە بۆمبێكی چێنراوە دژ بە هەرێم .
رێككەوتن مانای ئه‌وه نییە تەنها واژووی بكەیت ، بەڵكو رێككەوتن واتا سبەی نەبێتە هۆی دۆزینەوەی بیانووی دیكە.
دارشتنی : سوهێل تاهیر عەبدولڵا
کۆمێنت (0)
تا ئێستا هیچ کۆمێنتێک نەکراوە.