فڕۆکه‌ جه‌نگیه‌کانی تورکیا گوندی تالستاو گەلی ماڵەمەلا بۆردومان کرد

بۆ جارێكی دیكه‌ فڕۆکە جەنگیەکانی سوپای تورکیا گوندی تالستاو گەلی ماڵەمەلا له‌ ده‌ڤه‌ری سیده‌كان بۆردومان كرده‌وه‌.

په‌یامنێری كوردستان تیڤی رایگه‌یاند: سه‌رله‌ئێواره‌ی ئه‌مرۆ دووشه‌ممه‌، بۆ جارێکی دیکە فڕۆکە جەنگیەکانی سوپای تورکیا بەھۆی ھەبوونی بنكه‌ و باره‌گاكانی گەریلاکانی پەکەکە، گونده‌كانی ھەریەکه‌ تالستاو گەلی ماڵەمەلا بۆردومان كرده‌وه‌.

به‌قسه‌ی چەند سەرچاوەیەک لە سنوورەکە کە بە کوردستان تیڤی یان راگەیاندووه‌: فڕۆکەکان زۆر بەنزمی بەسەر ئاوایەکانی ناوچەکەدا سووڕاونه‌ته‌وه‌ و بەچڕی بۆردومانی ئەو شوێنان كردووه‌ به‌هۆی دووری شوێنه‌كه‌ زیانی گیانی و مادده‌ی گوندو ئاوایەکانە نه‌زانراوه‌.