بەیانی ئەمڕۆ هەینی دووەم جۆری ڤاکسین کە ئەسترازێنیکایە گەیشتە هەرێمی کوردستان و بڕیارە لە سبەینێوە بەکاربهێندرێت بۆ هاووڵاتییان.
دكتۆر سامان بەرزنجی، وەزیری تەندروستی حكوومه‌تی هه‌رێمی كوردستان بە رۆژنامەنووسانی رایگەیاند: 43 هەزار و 800 هەزار ژەم (دۆز) لەڤاکسینی ئاسترازینیکا-ئۆکسفۆردی بریتانی گەیشتۆتە هەرێمی کوردستان و بەپێی سیستمێکی ئەلیکترۆنی دابەشدەکرێت.
دكتۆر سامان بەرزنجی رایگه‌یاند رێژه‌ی تووشبووانی كۆرۆنا له هه‌ڵكشاندایه له كاتژمێری 12 شه‌وی رابردوو تاوه‌كو ئه‌مرۆ هه‌ینی 725 كه‌سی دیكه تووشی ڤایرۆسی كۆرۆنا بوونه ئه‌مه‌ش رێژه‌یه‌كی یه‌كجار زۆره.
وەزیری تەندروستی گوتیشی پێنج كه‌سیش به‌هۆی تووشبوونی به ڤایرۆسه‌كه گیانیانله‌ده‌ستداوه.
وەزیری تەندروستی گوتیشی: ئه‌م هه‌فته‌یه‌ش لیژنه‌ی به‌ره‌نگاربوونه‌وه‌ی كۆرۆنا كۆده‌بێته‌وه.
کۆمێنت (0)
تا ئێستا هیچ کۆمێنتێک نەکراوە.