کۆمپانیای فایزەری ئەمریکی هەنگاوە سەرەتاییەکانی تاقیکردنەوەی دەرمانێکی نوێی دژی کۆرۆنا دەستپێکرد.
بەگوێرەی راپۆرتێکی كه‌ناڵی ئەلحوڕە، کۆمپانیای فایزەر له ئەمریکا هەنگاوە سەرەتاییەکانی تاقیکردنەوەی دەرمانێکی نوێی دژی کۆرۆنا دەستپێکردووه و لەقۆناغی ئەزمونی دایە.
کۆمپانیاکە ئاشکراکردووە، ئەو تەکنۆلۆژیایەی لە چارەسەری كۆرۆنا کاری لەسەرکراوە هەمان ئەو تەکنیکەیە کە لەچارەسەری ئایدز و هەوکردنی سییەکاندا كاری پێده‌كرێت، ئەمەش بەواتای ئەوە دێت ئەم چارەسەرە نوێیە ئەنزیمی پرۆتیزی تێدایە کە توانای بەستنەوەی ئەنزیمی ڤایرۆسەکەی هەیە و بەوەش رێگری دەکات لەچەند بارەبوونەوە و زیادبونی.
ئەوەش ئاشکراکراوە، دەرمانەکە لەتاقیکردنەوە سەرەتاییەکاندا سەرکەوتوبووە و دەرکەوتووە کاریگەریی زۆری نەک تەنها له‌دژی كۆڤید نۆزده بەڵکو دژی جۆرەکانی دیکەی کۆرۆنا وه‌ك سارس و مێرس هه‌یه.
بەگوێرەی راگەیەنراوی کۆمپانیاکە، ئەم دەرمانە چاوەڕوانکراوەی فایزەر دژی پەتاکانی داهاتووش کاریگەری دەبێت کە بەهۆی ڤایرۆسی کۆرۆناوە سەرهەڵدەدەن.
کۆمێنت (0)
تا ئێستا هیچ کۆمێنتێک نەکراوە.