لە عێراق زیاتر له‌ شه‌ش هه‌زار که‌س تووشی کۆرۆنا بوون

ژمارەی تووشبووانی كۆرۆنا لەعێراق بەشێوەیەكی بەرچاو بەرزبووەوەو لەماوەی 24 كاتژمێری رابردوودا زیاتر لە شەش هەزار حاڵەتی نوێ تۆماركرا.

ئه‌مرۆ چوارشه‌ممه‌ 2021/3/24 وه‌زاره‌تی ته‌ندروستی و ژینگه‌ی عێراق ئاماری 24ی كاتژمێری رابردووی تووشبووانی كۆرۆنای بڵاوكرده‌وه‌ رایگه‌یاند: شەش هەزار و 51 كه‌سی دیكه‌ تووشی كۆرۆنا بوون.

هه‌ر به‌ گوێره‌ی به‌یاننامه‌كه‌ی وه‌زاره‌تی ته‌ندروستی 4185 تووشبووش چاكبوونه‌وه‌ ڤایرۆسه‌كه‌یان تێپه‌ڕاندووه‌.

وه‌زاره‌تی ته‌ندروستی ده‌ڵێت: له دوێنێوە ‌29 تووشبووی كۆرۆنا گیانیان له‌ده‌ست داوه‌، رێژه‌ی مردن به‌ ڤایرۆسه‌كه‌وه‌ له‌سه‌رتاسه‌ری وڵات گه‌یشتۆته‌  (14095).