پۆلیسی سلێمانی: دوو که‌س به‌هۆی ته‌قه‌کردنی هه‌وایی ده‌ستگیرکران

مەفرەزەكانی بەشی پۆلیسی نەهێشتنی تاوانی سلێمانی نوسینگەی ڕۆژئاوا دوو تەقەكەریان دەستگیركرد.

بەشی راگەیاندن و پەیوەندییەکانی بەرێوەبەرایەتی پۆلیسی سلێمانی لە راگەیەندراوێکدا ئامەژە بەوە دەکەن، رۆژی 21-3-2021 , مەفرەزەكانی بەشی پۆلیسی نەهێشتنی تاوانی سلێمانی كە لەناو شارو ناوچە گەشتیارییەكان بڵاوەیان پێكرابوو دوو تۆمەتباریان دەستگیركرد كە لەناو شاری سلێمانی و شاخی گۆیژە تەقەیان كردبوو.

ئاماژەی بەوەشکرد، لەكاتی دەستگیركردنی تۆمەتباراندا دەستگیرا بەسەر ئۆتۆمبێلێکی بێ سەرەتاو چەكێك لە جۆری دەمانچە كە بەتۆمەتباران بووە.

پۆلیسی سلێمانی ده‌ڵێت: ئەو کەسانە تەمەنیان (18) ساڵ و (20) ساڵ بووە و لە ئێستادا بەبڕیاری  دادوەر راگیراون و لێكۆڵینەوە لەگەڵیان بەردەوامە .