پۆلیسی هه‌ولێر له ڕاگه‌ێندراوێكدا ڕایگه‌یاند: ئه‌مڕۆ پێنجشه‌ممه له بۆسه‌یه‌كدا سێ كه‌س به تۆمه‌تی ڕفاندنی هاووڵاتییه‌ك ده‌ستگیر كران.
له ڕاگه‌ێندراوه‌كه‌دا هاتووه: هێزەکانی بەڕێوەبەرایەتیی پۆلیسی پارێزگای هەولێر،بەشی پۆلیسی فریاکەوتن دوای لێکۆڵینەوە و چاودێرییەکی چڕ و بەدەستهێنانی زانیاری، لە بۆسەیەکدا سێ کەسیان بە تۆمەتی ڕفاندنی هاووڵاتییەک به ناوی (ا.ھ.ز) دەستگیر کرد، کە لە بەرامبەر ئازادکردنیدا، داوای زیاتر لە (8 هەزار دۆلار)یان کردبوو.
تۆمەتبارەکان بە ناوەکانی (ف.م.ر) و (ز.م.ر) و (م.د.ز)، کە لە شوێنێک چاوەڕێی وەرگرتنی بڕەپارەکە بوون، لەلایەن هێزەکانی پۆلیسەوە قۆڵبەست کران و درانە دادگا.
هه‌روه‌ها ڕاشیگه‌یاندووه: ڕفێندراوەکەش دوای ئازادکردنی، ڕادەستی خانەوادەکەی کرایەوە.
کۆمێنت (0)
تا ئێستا هیچ کۆمێنتێک نەکراوە.