پێشنیوه‌ڕۆی رۆژی سێشه‌ممه، مندالێكی تازه له‌دایكبوو له گه‌ڕه‌كی راپه‌ڕین له شاری كه‌ركووك دۆزرایه‌وه و دواتر گواسترایه‌وه بۆ نه‌خۆشخانه‌ی له‌دایكبوون و منداڵان.
ئامانج مه‌جید ، یاریده‌ده‌ری كارگیڕی نه‌خۆشخانه‌ی منداڵبوون و ئافره‌تان، له لێدوانێكدا گوتی: به‌یانی رۆژی سێشه‌ممه منداڵێكی تازه له‌دایكبوو له‌زبڵدانی گه‌ڕه‌كی راپه‌ڕین له به‌رامبه‌ر به‌ڕێوه‌به‌رایه‌تی ھه‌واڵگری كه‌ركووك فڕێدراوه و دواتر له‌لایه‌ن بنكه‌ی پۆلیسی عروبه‌وه ھێناوینانه بۆ به‌شی چاودێری چڕ له نه‌خۆشخانه‌ی له‌دایكبوون و منداڵان.
ئامانج مه‌جید گوتیشی: كاتژمێر ١١ی پێش نیوه‌ڕۆ منداڵه‌كه ھێنرایه نه‌خۆشخانه‌كه‌مان و پشكنینمان بۆی ئه‌نجامدا و ده‌ركه‌وتووه كه باری ته‌ندروستی جێگیره و ھیچ كێشه‌یه‌كی ته‌ندروستی نییه".
یاریده‌ده‌ری كارگێڕی نه‌خۆخشانه‌ی له‌دایكبوون و منداڵان له كه‌ركووك باسی راشیگه‌یاند، له‌ماوه‌ی ئه‌و چه‌ند كاتژمێره‌ی منداڵه‌كه ھێنراوه‌ته نه‌خۆشخانه‌كه‌یان چه‌ند كه‌سێك داوای ھه‌ڵگرتنه‌وه و به‌خێوكردنیان كردووه، به‌ڵام ئه‌وان چاوه‌ڕێی بڕیاری دادگا ده‌كه‌ن تا ئه‌و كاته‌یش منداڵه‌كه له نه‌خۆخشانه‌كه‌یان ده‌مێنێته‌وه.
کۆمێنت (0)
تا ئێستا هیچ کۆمێنتێک نەکراوە.