مه‌سرور بارزانی، سه‌رۆكى حكوومه‌تى هه‌رێمى كوردستان له 33یه‌مین ساڵڕۆژى كیمیابارانى هه‌ڵه‌بجه ڕایده‌گه‌یه‌نێت، حکوومەتی ھەرێمی کوردستان بە ئەرکی لە پێشینەی خۆی دەزانێت خزمەتێکی باشتری ھەڵەبجە و کەسوکاری شەھید و بریندارانی ئەم مەرگەساتە بکات.
ئه‌مڕۆ سێشه‌ممه 2021/3/16، مه‌سرور بارزانى، سه‌رۆكى حكوومه‌تى هه‌رێمى كوردستان له‌هه‌ژماری تایبه‌ت به‌خۆی چه‌ند وێنه‌یه‌كى بڵاو كردووه‌ته‌وه و رایده‌گه‌ێنێت: ئەمڕۆ بۆ ڕێزگرتن لە گیانی پاكی شەھیدانی ھەڵەبجە، ساتێک بە بێدەنگی وەستاین.
سه‌رۆكى حكوومه‌تى هه‌رێمى كوردستان ئاماژه بۆ ئه‌وه‌ش ده‌كات: شەھیدانی ھەڵەبجە ھەمیشە لە یاد و ویژدانی گەلی کوردستاندا زیندوون، حکوومەتی ھەرێمی کوردستان بە ئەرکی لە پێشینەی خۆی دەزانێت خزمەتێکی باشتری ھەڵەبجە و کەسوکاری شەھید و بریندارانی ئەم مەرگەساتە بکات.
ئه‌مڕۆ 33 ساڵ به‌سه‌ر كیمیابارانكردنی هه‌ڵه‌بجه له‌لایه‌ن رژێمی به‌عسه‌وه تێده‌په‌ڕێ، كه به هۆیه‌وه زیاتر پێنج هه‌زار هاووڵاتیی شاره‌كه شه‌هید بوون و هه‌زارانی دیكه برینداربوون، سه‌دان كه‌سیش په‌رته‌وازه بوون و له خێزانه‌كانیان دابڕان.
کۆمێنت (0)
تا ئێستا هیچ کۆمێنتێک نەکراوە.