فراکسیۆنی پارتی گەشەپێدانی تورکمان: بارزانی نه‌مر ژیانی خۆی بۆ کوردستان ته‌رخانکرد

سارا دلشاد چاوشلی په‌رله‌مانتاری كوردستان له‌فراکسۆنی پارتی گەشەپێدانی تورکمان له‌یادی له‌دایك بوونی ژه‌نه‌ڕاڵ مسته‌فا بارزانی نه‌مردا په‌یامێكی بڵاوكرده‌وه‌.
سارا دلشاد چاوشلی په‌رله‌مانتاری كوردستان له‌فراکسۆنی پارتی گەشەپێدانی تورکمان رایده‌گه‌ێنێت: ژه‌نه‌ڕاڵ مسته‌فا بارزانی نه‌مر پێناس و ناسنامه‌ی گه‌لی كورد و كوردستانه‌ ، بارزانی نه‌مر ژیانی خۆی بۆ گه‌له‌كه‌ی ته‌رخان كرد .
سارا دلشاد چاوشلی په‌رله‌مانتاری كوردستان له‌فراکسۆنی پارتی گەشەپێدانی تورکمان راشیده‌گه‌ێنێت: بارزانی نه‌مر داكۆكی كار بووه‌ بۆ ته‌واوی نه‌ته‌وه‌كان و پێكهاته‌كانی كوردستان، هه‌روه‌ها داكۆكی كار بوو بۆ سه‌رجه‌م نه‌ته‌وه‌كان كه‌تا بتوانن ژیانێكی پر سه‌روه‌ری و بێ ووچان به‌سه‌ر به‌رن  بۆ ئه‌م مه‌به‌سته‌ش هه‌موو كات چه‌تری به‌یه‌كه‌وه‌یی هه‌ڵكردووه‌ تا گه‌لی كوردستان بگات به‌رۆژی سه‌ربه‌خۆی خۆی.
سارا دلشاد چاوشلی ده‌شڵێت:  له‌ساڵی 1970 بارزانی نه‌مر له‌گه‌ڵ سه‌ركردایه‌تی سیاسی كورد داوای مافه‌كانی نه‌ته‌وه‌ی توركمانی ده‌كرد له‌حكوومه‌تی عێراق ، بۆیه‌ ئێمه‌ی توركمان ژه‌نه‌ڕاڵ مسته‌فا بارزانی نه‌مر بۆ هه‌میشه‌ ناو و كرداری  وەک ھێمایەک  لە ناو دڵماندا ده‌مێنێته‌وه‌.