سەرلەبەیانی ئەمڕۆ پێنج شەمە 2021.3.11، ئومێد خۆشناو، پارێزگاری هەولێر، بەمەبەستی لەنزیکەوە ئاگاداربوون لە ڕەوشی بازاڕ و جموجۆڵی کاسبکار و دوکانداران و کێشە و کەم و کوڕییەکانیان، بازاڕی نیشتیمانی شاری هەولێری بەسەرکردەوە.
لەبەسەرکردنەوەکەیدا، پارێزگاری هەولێر، لەنزیکەوە لە ڕەوشی بازاڕەکە و کێشە و کەم کوڕی و کارەکانییانی کۆڵییەوە و گفتوگۆی لەگەڵ کاسبکارو خاوەنی دوکانەکانی نێو بازاڕ کرد و گوێی لەگللەیی و کەم و کوڕیی و پێداویستیەکانی گرتن و دڵنیایی کردنەوە ئەوەی لەتوانای پارێزگای هەولێر دابێت، بۆ چارەسەری کێشە و کەم و کوڕی و خزمەتکردنی بازاڕەکە و کاسبکارانی درێغی لێناکرێت.
پارێزگاری هەولێر، هەروەها داوای لەگەڵ کاسبکار و خاوەن دوکانەکانی نێو بازاڕ کرد بۆ پاراستنی گیانی خۆیان و ئازیزانییان، پابەندی ڕێنماییە تەندروستییەکان و ڕێکارەکانی خۆپارێزی بن بەتایبەتی بەستنی (دەمامک).
کۆمێنت (0)
تا ئێستا هیچ کۆمێنتێک نەکراوە.