به‌به‌ره‌یانی ئه‌مڕۆ یه‌ك شه‌ممه قه‌داسه‌ته‌ی پاپا فرانسیس، پاپای ڤاتیكان گه‌یشته هه‌ولێری پایته‌خت و له‌لایه‌ن سه‌رۆك بارزانی و نێچیرڤان بارزانی، سه‌رۆكی هه‌رێمی كوردستان و مه‌سرور بارزانی، سه‌رۆكی حكومه‌تی هه‌رێمی كوردستان و پێكهاته ئایینییه‌كان پێشوازی لێكرا.
له‌مباره‌یه‌وه كه‌ناڵی سی ئێن ئێن-ی ئه‌مریكی نووسیویه‌تی: پاپا فرانسیس گه‌یشته هه‌ولێرو چه‌ند دیدارێك له‌گه‌ڵ ژماره‌یه‌ك له به‌رپرسان ساز ده‌دات.
هه‌روه‌ها كه‌ناڵی حوڕه‌ی ئه‌مریكی ده‌ڵێت: پاپا فرانسیس گه‌یشته هه‌ولێرو به‌ئاماده‌بوونی هه‌زاران كه‌س له‌كه‌شوهه‌وایه‌كی پاكدا ،نزای پیرۆز ده‌كات.
هاوكات ماڵپه‌ڕی رووسیا ئه‌لیۆم نووسویه‌تی: پاپا به‌فه‌رمی له‌لایه‌ن نێچیرڤان بارزانی، سه‌رۆكی هه‌رێمی كوردستان و مه‌سرور بارزانی،سه‌رۆكی حكومه‌تی هه‌رێمی پێشوازی لێكراوه.
هه‌روه‌ها ده‌شڵێت: به‌ده‌یان مه‌سیحی له‌فڕۆكه‌خانه‌ی نێو ده‌وڵه‌تی هه‌ولێر له پێشوازی پاپادا بوون.
هه‌روه‌ها سكای نیوزی عه‌ره‌بی نووسیویه‌تی: سه‌ردانه‌كه‌ی پاپا بۆ هه‌ولێر زۆر گرنگه.
شایانی باسه ئه‌مڕۆ به‌سه‌دان میدیای جیهان به بایه‌خ و گرنگییه‌وه باسیان له سه‌ردانه‌كه‌ی پاپا بۆهه‌ولێری پایته‌خت كرد.
کۆمێنت (0)
تا ئێستا هیچ کۆمێنتێک نەکراوە.