پاپا فرانسیس پاپای ڤاتیکان گه‌یشته عیراق وتارێکی پێشکەشکرد رایگه‌یاند: عیراق گرنگی و بایەخی زۆری کولتوری و ئاینی هه‌یه چەندین جار نوێژمان بۆ کردووە.
دوای ئه‌وه‌ی ئه‌مرۆ هه‌ینی پاپای ڤاتیکان بۆ یەکەمجار گەیشتە عێراق و لە بەغدای پایتەختدا دابەزی، له‌میانه‌ی وتارێكدا له كۆشكی سه‌لام له به‌غدا وتاریكی لەبەردەم بەرپرسانی باڵا پێشكەش كرد رایگه‌یاند: پێویستە بەرپرسان رووبەڕووی گەندەڵی و دەسەڵاتی ناشەرعی ببنەوە و هەموو لایەک کار بۆ بنبڕکردنی گەندەڵی بکەن.
پاپا گوتیشی: له رابردوودا عێراق رووبه‌ڕووی جه‌نگه ده‌ره‌كییه‌كان و ناوخۆییه‌كان
بووه‌ته‌وه كه به‌شێكی زۆری قوربانیان به هۆی شوناس و بیروباوه‌ڕی ئاینییه‌وه
بووه، سه‌ركۆنه‌ی ئه‌و تاوانانه ده‌كه‌ین به‌رامبه‌ر ئێزیدییه‌كان كرا.
پاپای ڤاتیكان ئەوەشی خستەڕوو، پێویستە مافە سەرەتاییەکان بۆ هاووڵاتیان دابینبکرێت و هیچ کەسێک هەست نەکات کە هاووڵاتی پلە دوو بێت.
پاپای ڤاتیکان باسی لە گرنگی یەکبوون و پشتگوێخستنی جیاوازییەکان کرد، گوتی: فرەئاینی و فرە کولتوری و فرە رەگەزی لەعێراق سەرچاوەیەکی بەبەهایە و دەبێت بیپارێزین.
پاپای ڤاتیكان رایگه‌یاند: بۆ رزگاربوون له په‌تای كۆرۆنا، جیهان پێویستی به كاری
هاوبه‌ش هه‌یه و ده‌بێت هه‌موومان به‌یه‌كه‌وه رووبه‌ڕووی ئه‌م ته‌نگژه ببینه‌وه و به یه‌كسانی ڤاكسین به‌سه‌ر خه‌ڵكی جیهاندا دابه‌شبكرێت ئه‌گه‌ر وه‌كو یه‌ك خێزانی مرۆڤایه‌تی یه‌كتری قبوڵ نه‌كه‌ین ناتوانین به‌یه‌كه‌وه ئه‌و قه‌یرانه تێبپه‌ڕێنین.
پاپا فرانسیس، ئه‌مڕۆ هه‌ینی له سه‌ردانێكی مێژووییدا بۆ عێراق، گه‌یشته به‌غدا و له فڕۆكه‌خانه له لایه‌ن سه‌رۆك وه‌زیرانی عێراقه‌وه پێشوازی لێكرا.
کۆمێنت (0)
تا ئێستا هیچ کۆمێنتێک نەکراوە.