له ئاكامی زنجیره‌یه‌ك ھێرشی فڕۆكه جه‌نگییه‌كانی عێراق، ژماره‌یه‌ك تیرۆریستی داعش له ناوچه‌یه‌كی نێوان پارێزگاكانی سه‌ڵاحه‌ددین و كه‌ركووك، كوژران.
ئاژانسی ھه‌واڵیی فه‌رمی عێراق پشت به‌ستن به راگه‌یه‌نراوێكی شانه‌ی راگه‌یاندنی ئه‌منی سه‌ربه ئۆپه‌راسیۆنه ھاوبه‌شه‌كانی عێراق بڵاویكرده‌وه كه فڕۆكه جه‌نگییه‌كانی (F-16) له میانی ئه‌نجامدانی زنجیره‌یه‌ك ھێرشدا، ژماره‌یه‌ك حه‌شارگه‌ی داعشیان له ناوچه‌یه‌كی نێوان باكووری پارێزگای سه‌ڵاحه‌ددین و باشووری رۆژئاوای پارێزگای كه‌ركووك بۆردومانكردووه.
به‌پێی راگه‌یه‌نراوه‌كه له ئاكامی بۆردومانه‌كه‌دا، ژماره‌یه‌ك تیرۆریستی داعش كوژراون و ژماره‌یه‌ك حه‌شارگه‌یش خاپووركراون.
ئه‌مه‌یش له كاتێكدایه پێشتر, فه‌رمانده‌ی ناوه‌ندی ئۆپه‌راسیۆنه‌كانی كه‌ركووك، فه‌ریق روكن سه‌عد حه‌ربییه رایگه‌یاندبوو كه به‌یانی ئه‌مڕۆ چوارشه‌ممه، ئۆپه‌راسیۆنێك به‌سه‌رپه‌رشتی سه‌رۆكوه‌زیران و فه‌رمانده‌ی گشتیی ھێزه چه‌كداره‌كان، مسته‌فا كازمی و به ئامانجی راوه‌دوونانی تیرۆریستانی داعش له ژماره‌یه‌ك ناوچه‌ی پارێزگای كه‌ركووك ده‌ستی پێكراوه.
کۆمێنت (0)
تا ئێستا هیچ کۆمێنتێک نەکراوە.