دوای ئه‌وه‌ی شاندی باڵای وه‌زاره‌تى بازرگانی و پیشه‌سازی حكوومه‌تی هه‌رێمی كوردستان ئێواره‌ی دوێنی سێشه‌ممه گه‌یشتنه شاری به‌غدا به‌مه‌به‌ستی كۆبوونه‌وه له‌گه‌ڵ لایه‌نه په‌یوه‌ندیداره‌كان له‌وه‌زاره‌تى بازرگانی عێراقی فیدڕاڵ بۆ تاوتووێ كردنی چه‌ندین پرسی نێوان هه‌ردوولا ، كه‌مێك پیش ئێستا، شاندی بالای وه‌زاره‌تی بازرگانی و پیشه‌سازی حكوومه‌تی هه‌رێمی كوردستان، له یەكەم كۆبوونەوەیان له بەغدا لەگەل وەزیرى پیشەسازى عیراقى فیدرالى و تەواوى راویژكاران و بەرێوبەرە گشتیەكانى پیشەسازى عیراقى كۆبوونەوه و تاوتوێى پەیوەندیەكانى هەردوو لایەن كرا .
له‌راگه‌یاندراوێكدا وه‌زاره‌تى بازرگانی و پیشه‌سازی حكوومه‌تی هه‌رێمی كوردستان بڵاوی كرده‌وه، كه‌له‌كۆبوونه‌وه‌دا یاداشتیكى هەماهەنگى و كارى هاوبەش له نێوان هەردوو وەزارەت واژوو كراوه.
راشیده‌گه‌یه‌نن: ئەو یاداشته نەخشه رێگا و كارى هاوبەش و هەماهەنگى و بەهێزكردنى پەیوەندیەكانى تەواوى چالاكى پیشەسازى و كارگەكان و مۆلەتەكانى دەرچوو له وەزارەت له خۆ دەگرێت.
شایانى باسه له دووەم كۆبوونەوەى شاندى وەزارەت لەگەل وەزارەتی بازرگانى فیدراڵی ده‌بیت .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.