بڕیارە ئەمڕۆ سێشه‌ممه 2 ى 3 ى 2021 ، شاندێكی باڵای وه‌زاره‌تى بازرگانی و پیشه‌شازی حكوومه‌تی هه‌رێمی كوردستان ، بۆ تاوتوێکردنی چەند پرسێکی گرنگ سەردانی بەغداد بکات.
نەوزاد شێخ كامیل، بەڕێوەبەری گشتی بازرگانى بە كوردستان تیڤی راگه‌یاند: كاتژمێر چواری ئێواره‌ی ئه‌مرۆ شاندی وه‌زاره‌تی بازرگانی ده‌گاته به‌غدا و كاتژمێر 10 ی به‌یانی سبه‌ی چوارشه‌ممه 3 ى 3 ى 2021 ، یه‌كه‌م كۆبوونه‌وه‌ی شاندی وه‌زاره‌ت له‌گه‌ڵ وه‌زیری بازرگانی فیدڕاڵی عێراق ده‌بێت و دواتر له‌گه‌ڵ وه‌زاره‌ت كۆبوونه‌وه‌یه‌كی دیكه به‌رێوه‌ده‌چێت.
گوتیشی: له‌و سه‌ردانه‌دا تاووتوێی ھەموو بابەتەکانى پەیوەست بە هەردوو وه‌زاره‌ت ده‌كرێت بۆ بەهێزکردنى پەیوەندییەکان و هەماهەنگى زیاتر، لە بوارەکانى شایستە داراییەکان و كاری كۆمپانیا و كارگه و مۆڵه‌ته فه‌رمییه‌كان.
هه‌روه‌ها بریاره له‌و سه‌ردانه‌دا، تاوتووێی دۆزینەوە و چارەسەری کێشەکانی بەردەم بازرگانان و خاوەن کارگەکان لە هەرێمی کوردستان ده‌كرێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.