بەڕێوەبەرایەتی پۆلیسی ڕاپەڕین رایگه‌یاند: ئه‌مشه‌و دوو کەس بە برینداری گەیەندرانە نەخۆشخانەی گشتی قەڵادزێ.
له راگه‌یه‌ندراوێكی بەڕێوەبەرایەتی پۆلیسی ڕاپەڕین ڕاگەیاندن و پەیوەندییەکان هاتووه، کەمێک پێش ئێستا دوو کەس بەبرینداری گەیەندرانە نەخۆشخانەی گشتی قەڵادزێ کە لە نزیک پارکی گشتی قەڵادزێ تەقەیان لێکراوە، لە ئێستاشدا لەژێر چاودێری تەندروستی دان و یەکێک لە بریندارەکانیش شوێنەواری سێ فیشەک بەسەر جەستەیەوە هەیە.
بەوتەی خۆیان لە لایەن چەند کەسێک بەسەر ماتۆڕسکیلەوە تەقەیان لێکراوە، لە شوێنی ڕووداوەکەش چەند قاوەنێکی فیشەکی جۆری دەمانچە لەلایەن هێزەکانمان دۆزراونەتەوە، تائێستا هۆکاری ڕووداوەکە نەزانرەوە و فەرمانی دەستگیرکردنیش بۆ تۆمەتباران دەرچووە و دۆسیەی لێکۆڵیەوەش بۆ ڕووداوەکە ڕێکخراوە.
کۆمێنت (0)
تا ئێستا هیچ کۆمێنتێک نەکراوە.