ئه‌ڤرو سپێدێ 25-2-2021 ل كولیژا زانستێن ته‌ندورستى ل گرێ باسێ ب ئاماده‌بونا د.على ته‌ته‌ر پارێزگارێ دهۆكێ وجێگرێ وه‌زیرێ خاندنا بلند وهاریكارێ سه‌روكێ زانكویا دهۆكێ وسه‌روكێ زانكویا زاخو كلینیكا ئاى پى پى یا ئه‌لمانى بو چاره‌سه‌ریا ده‌رونى هاته ڤه‌كرن.
پارێزگارێ دهۆكێ دپه‌یڤه‌كێدا بناڤێ حكومه‌تا هه‌رێمێ وكارگێریا پارێزگه‌هێ سوپاسیا حكومه‌تا ئه‌لمانیا وحكومه‌تا هه‌رێما (بادن ڤوتنبێرگ) وزانكویا توبینگن یا ئه‌لمانى كر كو پشته‌ڤانیا ڤه‌كرنا كلینكێ كریه هه‌روه‌سا سوپاسیا زانكویا دهۆك كر بو هاریكاریا وان وڤه‌كرنا كلینكى دناڤ ئاڤاهیێ كولیژا زانستێن ته‌ندورستى دا.
پارێزگارێ دهۆكێ ته‌كه‌زكر كو پشتى هێرشێن تیرورستێن داعش بو سه‌رده‌ڤه‌رێن كورستانێ وگرتن وره‌ڤاندنا كچ وژنێن ئێزدى نه‌خوشیێن ده‌رونى ل جه‌م گه‌له‌ك ئاوارا چێبوینه وسوپاسیا حكومه‌تا ئه‌لمانیا ورێكخراوێن خێر خاز كر كوچاره‌سه‌ریا گه‌له‌ك ژوان توشبویا هاتیه كرن وب ڤه‌كرنا ڤێ كلینیكێ دێ چاره‌سه‌ریا گه‌له‌ك توشوبویێن دن ل پارێزگه‌هێ هێته كرن وخواست كو حكومه‌تا ئه‌لمانیا پتر ڤان جوره هاریكاریا پێشكێشبكه‌ت وپشته‌ڤانیا پارێزگه‌هێ نیشاندا بو هه‌ر هه‌ڤكاریه‌كێ.
هه‌ر درێ ورسمێن ڤه‌كرنا كلینیكێدا چه‌ندین په‌یڤێن دن هاتنه خاندن وگرنگیا كلینیكا ناڤبرى به‌رچاڤكرن.
هه‌ژى گوتنێ یه كلینیكا ئاى پى پى یا ئه‌لمانى بو چاره‌سه‌ریا ده‌رونى ب پشته‌ڤانیا حكومه‌تا ئه‌لمانیا و په‌یمانگه‌ها چاره‌سه‌ریا ده‌رونى وزانكویا دهۆكێ وته‌ندورستیا دهۆكێ هاتیه ڤه‌كرن ونوكه دوو نوشدار وهه‌شت كارمه‌ند ژ ده‌رچویێن په‌یمانگه‌ها ناڤبرى خزمه‌تێن چاره‌سه‌ریا ده‌رونى پێشكێشى هه‌ر هاولاتییه‌كى دكه‌ن وبێ به‌رامبه‌ر وكلینیك ژده‌م ژمێر (10سپێدێ هه‌تا 6ئیڤارى) خزمه‌تا هه‌موو نه‌خوشان دكه‌ت.
کۆمێنت (0)
تا ئێستا هیچ کۆمێنتێک نەکراوە.