بەڕێوەبەری نەخۆشخانەی شەهید د. هێمن له سلێمانى ڕايده‌گه‌یه‌نێت، له سلێمانی گومان ده‌كرێ 10 كه‌س تووشی كۆرۆنای گۆڕاو بووبن.
د. داهات حەوێزی، بەڕێوەبەری نەخۆشخانەی شەهید د. هێمن ، بە (کوردستان 24)ی ڕاگەیاند: دوو بۆ سێ رۆژە ژمارەی تووشبوان به کۆرۆنا زیادی کردووە، گوتیشى: دوێنێ 10 نەخۆشمان بۆ هاتووە، گومان دەکەین تووشی کۆرۆنای گۆڕاو بووبن، چونکە په‌تاكە زۆر بە خێرایی لەنێویاندا بڵاو بووەتەوە و نیشانەکانیشیان جیاوازن، ئه‌و كه‌سانه‌ش دانیشتووی سلێمانین و بەرکەوتنیان لەگەڵ خەڵکی ئێران و باشووری عێراق هەبووە، سێ لە نەخۆشەکانیش ئەندامی یەک خێزانن.
ده‌شڵێت: کۆڕۆنای گۆڕاو کەمتر تووشی کەسانی بەتەمەن دەبێت، زیاتر کار دەکاتە سەر کۆئەندامی هەرس و دەبێتە هۆی سکچوون و ڕشانەوە.
هه‌روه‌ها رایده‌گه‌ێنێت: پشکنینیان بۆ کراوە، بەڵام بۆ دڵنیابوون لە ئەنجامەکان، دووبارە پشکنیان بۆ ده‌كرێته‌وه.
کۆمێنت (0)
تا ئێستا هیچ کۆمێنتێک نەکراوە.