لیژنه‌ی دارایی ئه‌نجومه‌نی نوێنه‌رانی عێراق پێی وایه دوای رێككه‌وتنی نێوان به‌غداو هه‌رێم له‌سه‌ر هه‌نارده‌كردنی نه‌وتی هه‌رێمی كوردستان، رۆژی پێنجشه‌ممه‌ی داهاتوو ده‌نگ له‌سه‌ر بوودجه ده‌درێت.
سادق مه‌دلول سوڵتانی،ئه‌ندامی لیژنه‌ی دارایی له ئه‌نجومه‌نی نوێنه‌رانی عێراق به ئاژانسی هه‌واڵی عێراقی راگه‌یاندووه كه حكومه‌تی فیدراڵ و شاندی هه‌رێمی كوردستان سه‌باره‌ت به هه‌نارده‌ی نه‌وتی هه‌رێم و پشكی له بوودجه، گه‌یشتوونه‌ته نیمچه رێككه‌وتنێك.
هه‌روه‌ها گوتی: دوای هه‌مواركردنه‌وه‌ی رێككه‌وتنی كۆتایی له ره‌شنووسی بوودجه له‌نێوان هه‌ردوولادا،له‌وانه‌یه رۆژی پێنج شه‌ممه‌ی داهاتوو، ده‌نگ له‌سه‌ر پڕۆژه یاسای بوودجه بدرێت.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.