دادگای تاوانه‌كانی كه‌رخ-ی به‌غدا سزای كۆتایی به‌سه‌ر ئه‌و ئافره‌ته سه‌پاند كه منداڵه‌كانی فڕیَدایه نێو رووباری دیجله.
سه‌رچاوه‌یه‌ك ئه‌مڕۆ پێنج شه‌ممه ئاشكرای كردووه كه دادگای تاوانه‌كانی كه‌رخ ،سزای به‌سه‌ر ئه‌و ئافره‌ته سه‌پاند كه منداڵه‌كانی له‌سه‌ر یه‌كێك پرده‌كانی به‌غدا فڕێدایه خواره‌وه.
سه‌رچاوه‌كه به‌میدیای عێراقی راگه‌یاندووه كه ئه‌مڕۆ پێنج شه‌ممه 18ی شوبات، دادگای تاوانه‌كانی كه‌رخ بڕیاری دووجار له‌سێداره‌دان تامردنی به‌سه‌ر ئه‌و ئافره‌ته سه‌پاند، كه‌منداڵه‌كانی له‌سه‌ر پردێكی به‌غدای پایته‌خت فڕێدایه خواره‌وه.
شایانی باسه له‌مانگی 10ی ساڵی رابردوودا، ئه‌و ئافره‌ته دوو له منداڵه‌كانی فڕێدایه نێو رووباری دیجله‌و به‌هۆیه‌وه هه‌ردوو منداڵه‌كه گیانیان له‌ده‌ستدا، رووداوه‌كه‌ش كاردانه‌وه‌یه‌كی گه‌وره‌ی له شه‌قامی عێراقیدا به‌دوای خۆیدا هێنا.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.