ی.ل.د.ک: یەکێتیەکەمان هەمیشە یٔەو قوتابخانەیەبووە کە چەندین لاوی بەتواناو سەکردەی هەڵکەوتووی پێگەیاندووە

68  ساڵ خەباتی لاوانە لە پێناو خاک و نەتەوەو بنیاتنانی ئایندەیەکی باشتر بۆ لاوان لە هەمومان پیرۆزبێ

دامەزراندنی یەکێتی لاوانی دیموکراتی کوردستان لە 18شوباتی ساڵی1953 زادەی بیری حەکیمانەی ڕابەری نەتەوە (مستەفا بارزانی) و سەرکردایەتی پارتی بوو لە پێناو کۆکردنەوەی توانای لاوان و ئاراستەکردنیان بۆ خزمەتکردنی دۆزی ڕەوای نەتەوەکەیان لەلایەک و داکۆکیکردن لە مافی لاوی کورد و کارکردن بۆ بنیاتنانی ئایندەیەکی گەش.

لە مێژووی پڕ لەسەروەریماندا بەشانازیەوە لە پاڵ ئەرکی لاوانەو ڕێکخراوانەی خۆمان، لە قۆناغە مێژوییەکانی بزاڤی ڕزگاری خوازی نەتەوەکەمان پێشمەرگەی پاراستنی خاک و نەتەوەکەمان بوین و بەشداری کارامان لە ڕزگارکردنی کوردستان و بنیاتنانی دەزگا شەرعیەکاندا کردوە.

یەکێتی لاوان جگە لەوەی لە ئاستی ناوخۆیدا خاوەندارێتی لاوانی کردوە، لەهەمان کاتدا لەسەر ئاستی نێودەوڵەتیش نوێنەرایەتی لاوانی کوردستانمان کردوەو لە چەندین کۆنفرانس و گردبونەوەی نێودەوڵەتی دەنگی لاوان بوین و ئێستاش بە شانازیەوە لە بەرزترین ئاستی نێودەوڵەتیدا نوێنەرایەتی لاوانی کوردستان دەکەین.

یەکێتیەکەمان هەمیشە ئەو قوتابخانەیه بوە کەلێیەوە چەندین لاوی بەتواناو سەکردەی هەڵکەوتووی پێگەیاندووە و  خاوەن شیان و پەروەردەکراون و لە ئاستی باڵا خزمەت بە نیشتیمان و هەرێمەکەمان دەکەن.

ئێمەی لاوانی کوردستان خەباتمان کردوەو قوربانی زۆرمان داوە لە پێناو بنیاتنانی ئەو ئەزموونەی ئێستا هەمانە کە لە دەزگا شەرعی و هەڵبژێردراوەکانی سەرۆکایەتی هەرێم و پەرلەمانی کوردستان و حکومەتی هەرێمدا بەرجەستەدەبن، هەر بۆیە بەهەموو توانامانەوە پارێزگاری لە هەرێمەکەمان دەکەین و شیلگێڕانە پاڵپشت دەبین بۆ پاراستن و بنیاتنانی کوردستانێکی بەهێز.

دژی هەموو ئەو هەوڵ و پیلانانە دەوەستینەوە کە مەبەست لێیان بە چۆکداهێنانی گەلەکەمان و شکاندنی ئیرادەو شکۆیەتی و لە هەرشوێنێک پێوێستبوو پێشمەرگەو شورەی پۆڵاینی پاراستنی نیشتیمانەکەمانین.

پاڵپشتی تەواو لە هەنگاوەکانی حکومەتی هەرێم دەکەین لە هەنگاوەکانی چاکسازیدا بە ئاراستەی دابینکردنی ژیانێکی شایستە بۆ خەڵک و لاوانی کوردستان.

لەگەڵ پەرلەمان و حکومەتەکەمان کاردەکەین بۆ دەستەبەرکردنی ژیانێکی شیاو بۆ لاوان و سودوەرگرتن لە توانا و شیانیان.
 
لەویادە شکۆدارەدا ڕێز دەنوێنین بۆ هەموو ئەوانەی لەیەکێتی لاواندا کاریان کردوەو ئەوانەی تا ئێستاش بەردەوامن،سەری ڕێز بۆ خانەوادەی سەربەرزی شەهیدانمان دادەنوێنین.

ساڵیادی دامەزراندنی یەکێتی لاوان لە سەرجەم ئەندامانمان و لاوانی کوردستان پیرۆزدەکەین و بەردەوام دەبین لەسەر ئەو ڕێبازەی لەپێناویدا یەکێتی لاوان دامەزراوە.

١٧ی٢ی٢٠٢١
مەکتەبی سکرتاریەتی (ی.ل.د.ک)