وه‌زاره‌تی ته‌ندروستیی و ژینگه‌ی عێراق رایگه‌یاند، داوایكردووه ئه‌و شوێنه گشتییانه‌ی وه‌ك مۆڵ، چێشتخانه، ھۆڵ و قاوه‌خانه‌كان كه پابه‌ند نیین به رێنماییه‌كانی خۆپارێزیی، دابخرێن.
له راگه‌یه‌نراوێكدا وه‌زاره‌تی ته‌ندروستیی و ژینگه‌ی عێراق ئاماژه‌ی به‌وه‌داوه، فه‌رمانگه‌ی ته‌ندروستیی گشتیی سه‌ربه وه‌زاره‌تی ته‌ندروستیی و ژینگه داوایكردووه، ئه‌و شوێنه گشتییانه‌ی وه‌ك مۆڵ، چێشتخانه، ھۆڵ و قاوه‌خانه‌كان كه پابه‌ند نیین به رێنماییه‌كانی خۆپارێزیی له بڵاوبوونه‌وه‌ی ڤایرۆسی كۆرۆنای نوێ، دابخرێن.
ئه‌مه‌یش دوای ئه‌وه دێت پێشتر حه‌سه‌ن ته‌میمی ،وه‌زیری ته‌ندروستیی و ژینگه‌ی عێراق، رایگه‌یاندبوو، ئه‌گه‌ر رێژه‌ی تووشبوون به ڤایرۆسی كۆرۆنا روو له به‌رزبوونه‌وه بكات، ئه‌وا ناچار ده‌بن دووباره كه‌ره‌نتین و قه‌ده‌غه‌ی ھاتوچۆ له‌سه‌رتاسه‌ری عێراقدا رایگه‌یه‌نیین.
کۆمێنت (0)
تا ئێستا هیچ کۆمێنتێک نەکراوە.