سەرۆکی هەرێمی کوردستان پرسه‌و سه‌ره‌خۆشی خۆی ئاراسته‌ی بێگەرد تاڵەبانی كرد بۆ كۆچی دوایی باوكی، هیوای خواست یەزدانی مەزن گیانی خوالێخۆشبوو بە بەزەیی و میهرەبانیی خۆی شاد بکات.
ئه‌مڕۆ چوارشه‌ممه 2021/2/3 بەڕێز نێچیرڤان بارزانی، سەرۆکی هەرێمی کوردستان لە پەیوەندیییەکی تەلەفۆنیدا لەگەڵ خاتوو بێگەرد تاڵەبانی، وەزیری کشتوکاڵ و ئاودێریی هەرێمی کوردستان، بۆ کۆچی دوایی باوکی خوالێخۆشبوویان، پرسە و سەرەخۆشی ئاراستەی خۆیان و بنەماڵە و کەسوکارە بەڕێزەکەیانی کرد.
بەڕێزیان وێڕای دەربڕینی هاوبەشی لە خەمیاندا، هیوای خواست یەزدانی مەزن گیانی خوالێخۆشبوو بە بەزەیی و میهرەبانیی خۆی شاد بکات و دڵنەوایی و سەبووریی هەمووان بداتەوە. لای خۆیەوە خاتوو بێگەرد تاڵەبانیش سوپاس و پێزانینی خۆیان بۆ هاوخەمیی بەڕێز سەرۆکی هەرێمی کوردستان دەربڕی.
کۆمێنت (0)
تا ئێستا هیچ کۆمێنتێک نەکراوە.