دكتۆر ناجح میزان، چاودێری سیاسی عێراق سه‌باره‌ت به‌و فیلمه ئێرانییه‌ی كه باس له ڕۆڵی ئێران له‌پاراستنی هه‌رێمی كوردستان له تیرۆریستانی داعش ده‌كات، ده‌ڵێت: ناوه‌ڕۆك و سه‌ر له‌به‌ری ئه‌و فیلمه درۆ و ناڕاست و نا ته‌ندروسته .
هه‌روه‌ها ده‌ڵێت: سه‌رۆك مه‌سعود بارزانی وه‌ك خه‌ڵكانی دیكه نییه ووتاره‌كانی له ژێر زه‌مینه‌وه پێشكه‌ش بكات و بترسێت ،وه‌ك ئه‌وه‌ی سه‌ركرده‌كانی ولایه‌تی فه‌قهی و سه‌رۆكی حیزبوڵڵا له ژێر زه‌مینه‌وه ووتار ده‌ده‌ن و ڕێنمایی ده‌رده‌كه‌ن و ناوێرن به ئاشكرا خۆیان ده‌ربخه‌ن .
هه‌ر ناجح میزان گوتی: سه‌رۆك بارزانی له‌و كه‌سانه نییه و هه‌میشه له‌گه‌ڵ گه‌له‌كه‌ی خۆیدایه ، وه‌ك ئه‌وانه نییه كه شاره‌كانیان ته‌سلیم به داعش كرد، وه‌ك ئه‌وه‌ی بینیمان شار به شار به چه‌ك و ته‌قه‌مه‌نییه‌وه پێشكه‌ش به ڕێكخراوی داعش ده‌كران .
هه‌روه‌ها گوتیشی: ئه‌وانه‌ی كه ئێستا هه‌ڕه‌شه ده‌كه‌ن،ئه‌و كاته‌ی قاسم سوله‌یمانی و ئه‌بو موهندیس كوژران، له كوێی خۆیان حه‌شاردابوو.
ئا/ فه‌رمان عه‌لی
کۆمێنت (0)
تا ئێستا هیچ کۆمێنتێک نەکراوە.