فوئاد حوسێن، وه‌زیری ده‌ره‌وه‌ی عێراق ومحه‌مه‌د جه‌واد زه‌ریف، وه‌زیری ده‌ره‌وه‌ی ئێران، ھاوكارییه دووقۆڵییه‌كانی نێوان به‌غدا و تاران-یان تاوتوێ كرد.
ئاژانسی ھه‌واڵیی فه‌رمی عێراق بڵاویكرده‌وه كه فوئاد حوسێن له چوارچێوه‌ی سه‌ردانه‌كه‌یدا بۆ تاران له‌گه‌ڵ محه‌مه‌د جه‌واد زه‌ریف كۆبووه‌ته‌وه.
ئاماژه‌ی به‌وه‌یشداوه كه له كۆبوونه‌وه‌كه‌دا، ھاوكارییه دووقۆڵییه‌كانی نێوان به‌غدا و تاران تاوتوێ كراوه.
به‌یانی ئه‌مڕۆ چوارشه‌ممه فوئاد حوسێن ، وه‌زیری ده‌ره‌وه‌ی عێراق، به‌مه‌به‌ستی تاوتوێكردنی ژماره‌یه‌ك دۆسیه‌ی ھاوبه‌ش له‌گه‌ڵ گه‌وره به‌رپرسانی ئێران، گه‌یشته تاران.
کۆمێنت (0)
تا ئێستا هیچ کۆمێنتێک نەکراوە.