ئیحسـان ئامێـدی ـ بەرپرسی دەزگای خـانی لە میانەی بەشداریكردن لە بەرنامەی رۆژەڤی كوردستان سەبارەت بە ئالنگارییەکانی بەردەم هەرێمی کـوردسـتان رایگەیاند كە ئەو كورتە فلیمە جێگەی نیگەرانییە لەلایەن خەڵكی كوردستان ، هەرێمی كوردستان كیانێكی دەستوورییە ، سەنگەرێكه شان بە شانی وڵاتانی جیهان دژ بە تیرۆریستان .
روونیشیكردەوە كە ئەو كارەی ئێران كارێكی زۆر بچووك و بێ بەهایە ، چونكە هەموو دەزانیین كە چۆن پێشمەرگە و سەرۆك بارزانی رووبەرووی تیرۆریستانی داعش بوونەوە ، هاوكاری ئێرانیش ئەو هاوكارییە نەبووە كە داعش تێكبشكێنێت ، بەڵكو هێزی پێشمەرگە توانی لە تەواوی بەرەكان تیرۆریستانی داعش تێكبشكێنێت .
ئەو هاریكارییەی ئێران كە پێشكەشی پێشمەرگەی كردووە ئەوە ناهێنێت ئەوەندە باسی بكرێت . ئەو شەڕەی بە درێژایی زیاتر لە 1000 كیلۆمەتر لە سەر شانی پێشمەرگە قارەمانیەكانی كوردستان بووە كە ماوەی 4 ساڵی خایاند و سەركەوتنی گەورەی بە دەستهێنا .
كوردستان بۆتە ئامانجی نەیارانی دوژمنان ، رێبازی بارزانیش بەرهەمدارە بۆیە دەكرێتە ئامانج ، ئەو حزبانەی كە بۆ بەرژەوەندییەكی تایبەت لە كوردستان دروست بووینە دەكەونە ناو ئەجیندای بەرژەوەندی ئامانجی دەوڵەتان .
وڵاتانی هەرێمی هەمیشە هەوڵ دەدەن ئەو سەقامگیرییەی هەرێمی كوردستان تێك بدەن ، بەڵام ئەو پیلانەیان لە كۆتادا هەرەس دێنێت .
ئیحسان ئامێدی روونیكردەوە كە زۆربەی لایەنە سیاسیەكانی كوردستان لە سەر بنەمای بەرژەوەندی تایبەت دروست بوون و هیچ روئیایەكی نیشتیمانیان نییە .
دارشتنی : سوهێل تاهیر عه‌بدولڵا
کۆمێنت (0)
تا ئێستا هیچ کۆمێنتێک نەکراوە.