ئێواره‌ی ئه‌مڕۆ پێنجشه‌ممه، له قه‌زای به‌رده‌ڕه‌ش دزی له زێڕنگرێك ده‌كرێت و په‌یامنێری كوردستان تیڤیش به‌دواداچوون بۆ ڕووداووی دزی كردنه‌كه ده‌كات.
به پێی لێدوانی سه‌رچاوه‌یه‌ك له پۆلیسی نه‌هێشتنی تاوان له قه‌زاكه، دزییه‌كه له هاووڵاتییه‌ك كراوه كه پیشه‌ی زێڕنگره و دوكانی زێڕنگری له ناحیه‌ی ڕوڤیا هه‌یه.
به پێی زانیارییه‌كان ئه‌و زێڕنگره دوای ئه‌وه‌ی له دوكانه‌كه‌ی ده‌گه‌ڕێته‌وه به‌ره‌و ماڵه‌وه، زێڕو پاره‌كه‌ی ده‌خاته نێو جانتایه‌كه‌وه و به ئۆتۆمبیله تایبه‌ته‌كه‌ی كه له جۆری تیۆتا بیكاشۆیه له نزیك كافترییایه‌ك ئۆتۆمبیله‌كه‌ی ده‌وه‌ستێنێت تاوه‌كو پێداویستی ماڵه‌وه بكڕێت.
هه‌ر به‌پێئ لێدوانی سه‌رچاوه‌كه‌ی پۆلیس، له كاتی دزی كردنه‌كه‌دا كاره‌بای شوێنی وه‌ستانی ئۆتۆمبیله‌كه كوژاوه‌ته‌وه و جامی ئۆتۆمبیله‌كه شكێنراوه و له نێو جانتای زێڕنگره‌كه 5 كیلۆ ئاڵتون و 25 ملیۆن دیناری عێراقی دزراوه.
سه نگەر گۆران
کۆمێنت (0)
تا ئێستا هیچ کۆمێنتێک نەکراوە.