بانکی ڕافیدەین که‌سوکاری قوربانیانی ته‌قینه‌وه‌که‌ی به‌غدا قه‌ره‌بووده‌کاته‌وه‌

بانكی ڕافیدەین، بڕیاریدا بە بە خشینی پێشینە بە بریندارانی دوو تەقینەوەكەی چەند ڕۆژی ڕابردووی گۆڕەپانی تەیەڕان و كەسوكاری كوژراوان.

به‌پێی راگه‌یه‌ندراوێكی بانکى رافیدەین بڵاوى کردەوە، ڕەزامەندیی مستەفا كازمی سەرۆكوەزیران و وەزیری دارایی بەدەستهێناوە، بۆ ئەوەی قوربانییانی تەقینەوەكان و كەسوكاریان وەك قەرەبووكردنەوە پێشینەیان پێبدرێت.

بانكی رافیده‌ین رایگه‌یاند: بە پێدانى پێنج ملیۆن دینار بە خێزانى شەهیدەکان و بڕى (10) ملیۆن دیناریش بە بریندارەکان، بەڵام بەشێوەى قەرز.

بانکى رافیدەین ده‌ڵێت: قەرزەکە هیچ سودێکى ناچێتە سەرو بریندارەکان دەتوانن بە ماوەى (10) ساڵ قەرزەکە بدەنەوه‌.  

شایه‌نی باسه‌ رۆژى پێنج شەممەى رابردوو دوو تەقینەوە بەغدای پایته‌ختی عێراقی هه‌ژاند بەهۆیەوە 130 کەس بوونه‌ قوربانی.