کەشتی ئۆژن ڤاکینگ سەدان کۆچبەر له‌مردن رزگاردەکات

له‌راگه‌یاندراوێكدا دەزگای لوتکە بۆ كۆچ و په‌نابه‌ران بڵاوی كرده‌وه‌:  لە ماوەی دوو ڕۆژدا کەشتی  ئۆژن ڤاکینگ (Ocean Viking) زیاتر لە 370 کۆچبەر لە نزیک سنوری لیبیا ڕزگاردەکات.
 ده‌زگاكه‌ رایده‌گه‌ێنێت ڕۆژی هەینی رابردوو، کەشتییەکە 149 کۆچبەری ڕزگارکرد کە 58 مێرمنداڵ و 4 منداڵی ساوایان تێدابووە و یەکێک لە منداڵەکان تەمەنی تەنها 1 مانگە. ئێوارەی هەینیش 106 کۆچبەری دیکە ڕزگارکران کە تەنها 52کم لە لیبیاوە دوور بوون.
هه‌روه‌ها ئاماژه‌ به‌وه‌ش ده‌كات: لە ڕۆژی پێنجشه‌ممه‌ش له‌هه‌فته‌ی رابردوو 374 کۆچبەر ڕزگارکراون و 165 کۆچبەریان منداڵ بوون لەو منداڵانەش 131 منداڵیان بێسەرپەرشت بوون. 
دەزگای لوتکە راشیگه‌یاندووه‌:  جگە لەوەی چەندین کۆچبەر لە دەریای ناوەڕاستدا گیانیان لەدەستداوە هەزاران کۆچبەریش لەلایەن حکومەتی لیبیاوە ڕێگرییان لێکراوە. ئەوکۆچبەرانە پاش ناردنەوەیان  هەر لە لیبیادا دەستبەسەر کراون. 
پاش ئەوەی بۆ ماوەی 5 مانگ ئیتاڵیا دەستی بەسەر کەشتی Ocean Viking دا گرت، لە 11 کانونی دووەمەوە دەستی کردووەتەوە بە کارەکانی.