بەڕێوەبەرایەتی هاتوچۆی سۆران رایده‌گه‌ێنێت، لە48 كاتژمێری رابردوودا 8 رووداوی هاتووچۆی جۆراوجۆر له‌سنوره‌كه روویانداوە، لە ئەنجامدا کەسێک گیانی لە دەستداوە و 6 کەسی دیكه‌ش بریندار بوون.
بەڕێوەبەرایەتی هاتوچۆی سۆران لەراگەیەنراوێکدا بڵاوی كرده‌وه: كه‌له‌ماوه‌ی 48 كاتژمێری رابردوودا له‌سنوری قه‌زای سۆران، 8 رووداوی هاتووچۆی جۆراوجۆر روویانداوە، لە ئەنجامدا کەسێک گیانی لە دەستدا و 6 کەسیش بریندار بوون.
هاتووچۆی سۆران ئاماژه بۆ ئه‌وه‌ش ده‌كات: داوا لە شوفێران دەکەین پابەندی یاساکانی هاتووچۆبن بەتایبەت خێرایی لێخورین چونکە لەو وەرزەدا ڕێگاوبانەکان شەختەبەندن.
هاتووچۆی سۆران راشیده‌گه‌ێنێت: ئێواره‌ی دوێنێ دووشه‌ممه 25 ى 1 ى 2021 ، رووداوێکی هاتووچۆ لە جۆری وەرگەران لە ناحیەی وەرتێ روویدا، لە ئەنجامی رودانی رووداوەکەش کەسێک گیانی لەدەستدا و سێ کەسی دیکەش بریندار بوون.
کۆمێنت (0)
تا ئێستا هیچ کۆمێنتێک نەکراوە.