ئاژانسی ئەمەریکی بۆ گەشەپێدانی نێودەوڵەتی پێداویستی پزیشکی و تاقیگەیی پێشکەش بە وەزارەتی تەندروستی ھەرێمی كوردستان کرد، بۆ بەهێزکردنی هەوڵەکانی رووبەڕووبوونەوەی ڤایرۆسی کۆرۆنا.
لە راگەیەندراوێكدا كونسوڵخانەی ئەمریكا لە ھەرێمی كوردستان بڵاوی كرده‌وه، ئەم پێداویستیانە رێکخەری ئۆکسجین و پێوەری ئۆکسجین و ئامێری پاککردنەوە و بەدلەی خۆپارێزی و ئاوی موغەزی و هەروەها کەلوپەلی تریش لەخۆدەگرێت، کە بۆ چارەسەرکردنی نەخۆش و پاراستنی کارمەندانی تەندروستی بەکاردێن.
رێوڕەسمی رادەستكردنی ئەو پێداویستیە تەندروستیانە بە ئامادەبوونی د. سامان بەرزنجی وەزیری تەندروستی حكوومەتی ھەرێمی كوردستان بەڕێوەچوو. لە وتەیەكدا رۆب واڵەر، کونسوڵی گشتی ئەمەریكا لە ھەولێر گوتی: ویلایەتە یەکگرتووەکانی ئەمەریکا شانازی بە پشتیوانییە بەخشندەکانی خۆیەوە بۆ هەوڵە جیهانیەکانی رووبەڕووبوونەوەی پەتای کۆرۆناوە دەکات، بەو یارمەتیانەشمانەوە لێرە لە هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.