تورکیا گونده‌کانی سنووری ناحیه‌ی باتیفا تۆپباران ده‌کات

كه‌مێك به‌ر له‌ ئێستا تۆپخانه‌كانی توركیا ده‌ستیان كرد به‌ تۆپبارانكردنی گونده‌كانی سنووری ناحیه‌ی باتیفای سه‌ر به‌ قه‌زای زاخۆ.

په‌یامنێری كوردستان تیڤی ڕایگه‌یاند: توركیا له‌ ڕێگای تۆپخانه‌كانی سه‌ر سنووره‌وه‌ تۆپبارانی گونده‌كانی سنووری ناحیه‌ی باتیفای ده‌ستپێكردووه‌ و تا ئێستاش تۆپبارانه‌كه‌ به‌رده‌وامه‌.

ڕاشیگه‌یاند: تا ئێستا زه‌ره‌ر و زیانه‌كانی تۆپبارانه‌كه‌ نه‌زانراون.

شایه‌نی باسه‌ به‌هۆی بوونی باره‌گاو چه‌كدارانی په‌كه‌كه‌ مه‌ترسی گه‌وره‌ له‌سه‌ر ژیانی هاووڵاتیانی ناوچه‌كه‌ به‌ گشتی و گوندنشینانی سنووره‌كه‌ به‌ تایبه‌تی دروستبووه‌ و په‌كه‌كه‌ بووه‌ته‌ هه‌ڕه‌شه‌ له‌سه‌ر ژیانی هاووڵاتیانی ناوچكه‌.

سوپای توركیاش به‌و هۆیه‌وه‌ به‌رده‌وام له‌ ڕێگه‌ی ووشكانی و ئاسمانی هێرش ده‌كاته‌ سه‌ر گونده‌كانی  سنووره‌كه‌ و له‌ ئاكامی ئه‌و هێرشانه‌شدا تا ئێستا سه‌دان هاووڵاتی بوونه‌ته‌ قوربانی.

گوندنشینان و هاووڵاتییانی ده‌ڤه‌ره‌كه‌ش له‌ ڕێگای كوردستان تیڤییه‌وه‌ داوا ده‌كه‌ن هه‌رچی زووه‌ سه‌رانی په‌كه‌كه‌ له‌ ناوچه‌كه‌یان دووركه‌ونه‌وه‌ تا به‌ر له‌ خوێنڕشتنی زیاتری ڕۆڵه‌كانیان بگیرێت و سه‌رو ماڵیان پارێزراو بێت.